الماتىدا نازارباەۆ زيياتكەرلٸك مەكتەبٸنٸڭ وقۋشىسى ٶزٸنە قول سالعاننان كەيٸن بٸرقاتار مەكتەپتٸڭ وقۋشىلارى 29 قازان كٷنٸ نارازىلىق اكتسيياسىن ۇيىمداستىردى, دەپ حابارلايدى Sputnik قازاقستان.
ەلەۋمەتتٸك جەلٸدە جاسٶسپٸرٸم مەكتەپتە ٶتكەن شاراعا بەلدەمشەمەن كەلگەنٸ, وسىدان كەيٸن ونى پسيحولوگقا اپارعانى تۋرالى اقپارات تارادى.
نارازىلىق اكتسيياسىن ۇيىمداستىرعان وقۋشىلار سەكسيزمگە قارسى ەكەنٸن بٸلدٸرۋدە.
"مەكتەپ كۋراتورىنىڭ يۋبكا كيٸپ كەلگەنٸ ٷشٸن ۇل بالانى كٷزگٸ بالعا جٸبەرمەۋٸ – بارىپ تۇرعان سەكسيزم. سودان كەيٸن ونى كٷشتەپ مەكتەپ پسيحولوگىنا اپارعان. ال سىنىپتاستارى وعان بولىسقاندا, ەربٸرٸنٸڭ اتى-جٶنٸن سۇراپ, "كٷنەھاردى" قولداعانى ٷشٸن تەرتٸپتٸك جازاعا تارتامىن دەپ قورقىتادى", - دەپ جازدى اكتسييا ۇيىمداستىرۋشىلارىنىڭ بٸرٸ Instagram اككاۋنتىندا.
سونداي-اق ول ستوريسكە يۋبكا كيگەن ۇلداردىڭ سۋرەتٸن جارييالاپ, سەنٸم تەلەفونى نٶمٸرٸمەن قاتار, "سەن قىمباتسىڭ. ٷنسٸز قالما" دەپ جازدى.
اۆتور جازبالارىنىڭ بٸرٸندە نازارباەۆ زيياتكەرلٸك مەكتەبٸنٸڭ وقۋشىلارى سۋيتسيدتەن كەيٸن مەكتەپكە بەلدەمشە كيٸپ كەلگەنٸن, الايدا وقۋ مەكەمەسٸنٸڭ ەكٸمشٸلٸگٸ ولاردان يۋبكانى شەشۋدٸ تالاپ ەتكەنٸن مەلٸمدەدٸ.
ەسكە سالساق, 27 قازاندا الماتىدا حيمييا-بيولوگييا باعىتىنداعى نازارباەۆ زيياتكەرلٸك مەكتەبٸنٸڭ وقۋشىسى كٶز جۇمدى.
وقۋ مەكەمەسٸ جازاتايىم وقيعا ساباقتان تىس ۋاقىتتا بولعانىن مەلٸمدەدٸ. كەيبٸر دەرەكتەرگە سٷيەنسەك, ۇل بالا پسيحولوگپەن بولعان ەڭگٸمەدەن كەيٸن ٶز-ٶزٸنە قول جۇمساعان. پوليتسييا بالانىڭ قازاسىن راستادى, بٸراق تراگەدييانىڭ مەن-جايىن ناقتىلاعان جوق.
ال نازارباەۆ زيياتكەرلٸك مەكتەبٸنٸڭ ٶكٸلٸ جانار ادامباەۆا وقۋ مەكەمەسٸندە ەشقانداي اكتسييا ٶتپەگەنٸن ايتتى.
"بٷگٸن بٸزدٸڭ مەكتەپتە سەرگەيدٸ ەسكە الۋ كٷنٸ. سوندىقتان مەكتەپتە بەرٸ تىنىش. بالالار ساباقتا وتىر. بٸراق بٸزدٸڭ تٷسٸنۋٸمٸزشە, باسقا مەكتەپتەر اكتسييا ۇيىمداستىرىپ, بەلدەمشەمەن كەلگەن. بٸزدە مۇنداي بولعان جوق", - دەدٸ ول Sputnik قازاقستانعا.
"مٷمكٸن, بٸزدٸڭ بالالار تٷسٸنگەن شىعار. بٸز بالالارمەن ەڭگٸمەلەستٸك, ولار بۇل بەلدەمشەنٸڭ بٷكٸل باق ٷشٸن "قىزىل شٷبەرەك" ەكەنٸن تٷسٸندٸ, بەرٸ سول يۋبكاعا جابىسىپ الدى... ال ول ونى بٸر مينۋت قانا كيٸپ, كٷلٸپ, ەزٸلدەگەن سوڭ, شەشٸپ تاستادى, بولدى", - دەدٸ جانار ادامباەۆا.
"بٸز تٸپتٸ نە بولعانىن بٸلمەيمٸز... ٶيتكەنٸ بالا مەكتەپتەن جاقسى كٶڭٸل-كٷيمەن كەتتٸ, ەش ٶكپە-رەنٸشٸ بولعان جوق. بۇل وقيعا ساباقتان كەيٸن بولدى. بالالار بۇعان بەلدەمشەنٸڭ ەش قاتىسى جوق ەكەنٸن تٷسٸندٸ. بٸراق, ٶكٸنٸشكە قاراي, مۇنى بٷكٸل مەكتەپكە تٷسٸندٸرە المايمىز", - دەدٸ نزم ٶكٸلٸ.
