Almatyda Nazarbaev ziiatkerlik mektebiniń oqýshysy ózine qol salǵannan keiin birqatar mekteptiń oqýshylary 29 qazan kúni narazylyq aktsiiasyn uiymdastyrdy, dep habarlaidy Sputnik Qazaqstan.
Áleýmettik jelide jasóspirim mektepte ótken sharaǵa beldemshemen kelgeni, osydan keiin ony psihologqa aparǵany týraly aqparat tarady.
Narazylyq aktsiiasyn uiymdastyrǵan oqýshylar seksizmge qarsy ekenin bildirýde.
"Mektep kýratorynyń iýbka kiip kelgeni úshin ul balany kúzgi balǵa jibermeýi – baryp turǵan seksizm. Sodan keiin ony kúshtep mektep psihologyna aparǵan. Al synyptastary oǵan bolysqanda, árbiriniń aty-jónin surap, "kúnáhardy" qoldaǵany úshin tártiptik jazaǵa tartamyn dep qorqytady", - dep jazdy aktsiia uiymdastyrýshylarynyń biri Instagram akkaýntynda.
Sondai-aq ol storiske iýbka kigen uldardyń sýretin jariialap, senim telefony nómirimen qatar, "Sen qymbatsyń. Únsiz qalma" dep jazdy.
Avtor jazbalarynyń birinde Nazarbaev ziiatkerlik mektebiniń oqýshylary sýitsidten keiin mektepke beldemshe kiip kelgenin, alaida oqý mekemesiniń ákimshiligi olardan iýbkany sheshýdi talap etkenin málimdedi.
Eske salsaq, 27 qazanda Almatyda himiia-biologiia baǵytyndaǵy Nazarbaev ziiatkerlik mektebiniń oqýshysy kóz jumdy.
Oqý mekemesi jazataiym oqiǵa sabaqtan tys ýaqytta bolǵanyn málimdedi. Keibir derekterge súiensek, ul bala psihologpen bolǵan áńgimeden keiin óz-ózine qol jumsaǵan. Politsiia balanyń qazasyn rastady, biraq tragediianyń mán-jaiyn naqtylaǵan joq.
Al Nazarbaev ziiatkerlik mektebiniń ókili Janar Adambaeva oqý mekemesinde eshqandai aktsiia ótpegenin aitty.
"Búgin bizdiń mektepte Sergeidi eske alý kúni. Sondyqtan mektepte bári tynysh. Balalar sabaqta otyr. Biraq bizdiń túsinýimizshe, basqa mektepter aktsiia uiymdastyryp, beldemshemen kelgen. Bizde mundai bolǵan joq", - dedi ol Sputnik Qazaqstanǵa.
"Múmkin, bizdiń balalar túsingen shyǵar. Biz balalarmen áńgimelestik, olar bul beldemsheniń búkil BAQ úshin "qyzyl shúberek" ekenin túsindi, bári sol iýbkaǵa jabysyp aldy... Al ol ony bir minýt qana kiip, kúlip, ázildegen soń, sheship tastady, boldy", - dedi Janar Adambaeva.
"Biz tipti ne bolǵanyn bilmeimiz... Óitkeni bala mektepten jaqsy kóńil-kúimen ketti, esh ókpe-renishi bolǵan joq. Bul oqiǵa sabaqtan keiin boldy. Balalar buǵan beldemsheniń esh qatysy joq ekenin túsindi. Biraq, ókinishke qarai, muny búkil mektepke túsindire almaimyz", - dedi NZM ókili.
