الماتى قالاسى ەكٸمٸنٸڭ ورىنباسارى ەرجان باباقۇماروۆ سوVID-2019 ٸندەتٸنە شالدىققان جەنە ولارمەن بايلانىستا بولعان ادامدارعا ارنالعان جاڭا مودۋلدٸك اۋرۋحانانىڭ قۇرىلىس الاڭىندا بولىپ, مەديتسينالىق ۇيىمنىڭ جوسپارىمەن ەگجەي-تەگجەيلٸ تانىستى, دەپ حابارلايدى "ۇلت اقپارات".
جوباعا سەيكەس, مەديتسينالىق ۇيىم اۋماعىندا كوروناۆيرۋستىق ينفەكتسييامەن اۋىراتىن ناۋقاستاردى وقشاۋلاۋ جەنە ەمدەۋ ٷشٸن 280 ورىن اشىلادى, سونىڭ ٸشٸندە قارقىندى تەراپييا بٶلٸمشەسٸ جۇمىس ٸستەيتٸن بولادى.
اۋرۋحانادا قىزمەتكەرلەرگە ارنايى «تازا» ايماقتار بەلگٸلەنگەن, ينفەكتسييالىق پالاتالاردا بٶلەك جەلدەتۋ جٷيەسٸ قاراستىرىلاتىن بولادى.
قازٸرگٸ تاڭدا دەنساۋلىق ساقتاۋ باسقارماسىمەن قاجەتتٸ مەديتسينالىق جابدىقتارمەن جاراقتاندىرۋ مەسەلەسٸ قاراستىرىلۋدا. مەديتسينالىق قىزمەتكەرلەردٸ جابدىقتاۋ بويىنشا جۇمىستار جٷرگٸزٸلۋدە. جوسپار بويىنشا شتات شامامەن 280 دەرٸگەر مەن مەديتسينا قىزمەتكەرلەرٸنەن قۇرالادى.
سونداي-اق, الماتى قالاسى قالالىق جوسپارلاۋ جەنە ۋربانيستيكا باسقارماسىنىڭ باسشىسى الماسحان احمەدجانوۆ سالىنىپ جاتقان گوسپيتال جاقىن ورنالاسقان قورعان كەشەنٸنە ەسەر ەتپەيتٸنٸن باياندادى.
«قورعان كەشەنٸ تاريحي-مەدەني قوردىڭ باس جوسپارىنا سەيكەس قورعالۋدا. اۋرۋحانادان قورعاندارعا دەيٸنگٸ قاشىقتىق 150 مەتردەن اسادى. قورعانداردىڭ كٷزەت ايماعى 50 مەتردٸ قۇرايدى. بارلىق ەرەجەلەر ساقتالۋدا», – دەدٸ الماتى قالاسىنىڭ باس سەۋلەتشٸسٸ.
قالالىق مەدەنيەت باسقارماسىنىڭ مەلٸمەتتەرٸنە سەيكەس, قۇرىلىس جۇمىستارى باستالار الدىندا الماتى قورعاندارىنىڭ اينالاسىنداعى قورعاۋ ايماقتارى ەسكەرٸلدٸ. سالىنىپ جاتقان مودۋلدٸك قۇرىلىم قورعاننىڭ قورعاۋ ايماعىنان 50 مەتر قاشىقتىققا سوزىلىپ, وعان ەشقانداي زاقىم كەلتٸرٸلمەگەن. قورعان ٶز اۋماعىنان مودۋلدٸك قۇرىلىمعا دەيٸن 170 مەتر قاشىقتىقتا, قورعانىس ايماعىنان 50 مەتر قاشىقتىقتا ورنالاسقان.
ٶز كەزەگٸندە ە.ح.مارعۇلان اتىنداعى ارحەولوگييا ينستيتۋتىنىڭ باس عىلىمي قىزمەتكەرٸ ارناباي نۇرجانوۆ جٷرگٸزٸلگەن ساراپتامالىق تالداۋدىڭ قورىتىندىسى تۋرالى حابارلادى.
«بٸز قۇرىلىس جوسپارىمەن تانىستىق. اۋرۋحانا اۋماعى تولىعىمەن قورشالادى. قورعانعا دەيٸنگٸ شەكارالىق ايماق 150 مەتر قاشىقتىقتا ورنالاسقان. قورعانداردىڭ كٷزەت ايماعى بٶلەك بولادى. ايتا كەتۋ كەرەك, اۋرۋحانا قۇرىلىسى قورعاندارعا ەشقانداي قاۋٸپ تٶندٸرمەيدٸ», - دەدٸ ارناباي نۇرجانوۆ.
مەسەلەنٸ شەشۋ جەنە قۇرىلىس الاڭىن باقىلاۋ بارىسىندا الماتى قالاسى ەكٸمٸنٸڭ ورىنباسارى ەرجان باباقۇماروۆپەن قورعان كەشەنٸنٸڭ رەكرەاتسييالىق جوسپارى جاساۋ قاجەتتٸلٸگٸ العا تارتىلدى.
سونىمەن قاتار, الماتى اۋماعىندا ورنالاسقان قورعاندىق كەشەندەردٸ ودان ەرٸ دامىتۋ كەڭەسٸن قۇرۋ ۇسىنىلدى. ونىڭ قۇرامىنا ارحەولوگتار مەن تاريحشىلار قاتارىنان ساراپشىلار كٸرەتٸن بولادى.
ەستەرٸڭٸزگە سالا كەتەيٸك, اعىمداعى جىلدىڭ 3 سەۋٸرٸندە قر پرەزيدەنتٸ جانىنداعى تٶتەنشە جاعدايدى قامتاماسىز ەتۋ جٶنٸندەگٸ مەملەكەتتٸك كوميسسييا كوروناۆيرۋستىڭ تارالۋىنا قارسى كٷرەس شارالارىن جٷزەگە اسىرۋ اياسىندا الماتى قالاسىنىڭ اۋماعىندا گوسپيتال سالۋ تۋرالى شەشٸم قابىلداعان بولاتىن.
