الماتىدا مەنينگوكوكك جۇقپاسىنان 27 جاستاعى ٶرت سٶندٸرۋشٸ جٸگٸت 12 ساعاتتا قايتىس بولىپ كەتتٸ, دەپ حابارلايدى قازاقپارات تٸلشٸسٸ.
ولجاس سٷلەيمەنوۆ 2 ماۋسىمدا دەنە قىزۋى كٶتەرٸلٸپ, تاماعى اۋىرىپ, اۋرۋحاناعا جەتكٸزٸلگەن.
«2 ماۋسىمدا كٷنٸ بويى قىزۋى كٶتەرٸلدٸ. ول جاي تۇماۋ شىعار دەپ مەن بەرمەدٸ. كەشكە جاعدايى ناشارلاعان سوڭ جەدەل جەردەم شاقىردىق. الايدا, تاڭعا جۋىق قايتىس بولىپ كەتتٸ», - دەدٸ ولجاستىڭ تۋعان اعاسى ەربولات.
مارقۇمنىڭ جاقىندارى جەرلەۋ شاراسىن بٷگٸنگە جوسپارلاعان بولاتىن.
الايدا, ولار مارقۇمنىڭ دەنەسٸن مەيٸتحانادان الا الماي جاتىر. مٷردە ساراپتاماعا جٸبەرٸلگەن.
اعاسىنىڭ ايتۋىنشا, ولجاس اۋىرعان بەتتە جەدەل جەردەم شاقىرعان. قالالىق جۇقپالى اۋرۋلار اۋرۋحاناسىندا وعان جۇقپالى رەسپيراتورلى ۆيرۋس دەگەن دياگنوز قويىلىپ, انتيبيوتيك الىپ ٷيٸنە قايتارىلعان.
ٷيٸنە جەتكٸزٸلگەن ولجاستىڭ جاعدايى ودان ەرٸ ناشارلاعان سوڭ تٷندە جٸگٸتتٸ قايتادان اۋرۋحاناعا الىپ كەتكەن. 3 ماۋسىمدا تاڭعا جۋىق جٸگٸت قايتىس بولىپ كەتتٸ.
دوسىنىڭ ايتۋىنشا, ولجاس قالالىق تجد ٶرت سٶندٸرۋشٸ بولىپ جۇمىس ٸستەگەن.
سونىمەن قاتار, قازٸر جۇقپالى اۋرۋلار اۋرۋحاناسىندا ولجاسپەن بايلانىستا بولعان ادامدار دا باقىلاۋعا الىندى.
ايتا كەتۋ كەرەك, بٷگٸندە الماتىدا مەنينگوكوكك جۇقپاسىنان 5 ادام كٶز جۇمدى. ولاردىڭ بارلىعىندا مەنينگوكوك جۇقپاسىنىڭ گەرەناليزدٸ فورماسى بولعان. جەدەل اسقىنۋدىڭ كەسٸرٸنەن نەبەرٸ 3-5 ساعاتتا مارقۇم بولىپ كەتتٸ.
ولاردىڭ ٸشٸندە 4-5 جاستاعى بالالار بار.
ال, الماتى وبلىسىندا قازا بولعانداردىڭ سانى 3 ادامعا جەتتٸ.
سونداي-اق, قىزىلوردا وبلىسىندا 27 جاستاعى جٸگٸت اتالعان جۇقپادان كٶز جۇمعان.
