الماتىدا №126 اۆتوبۋستىڭ جٷرگٸزۋشٸسٸ 23 جاستاعى قىزدى قاعىپ, مەرت قىلعان جاعدايعا بايلانىستى وقيعانىڭ مەن-جايى انىقتالدى, - دەپ حابارلايدى Tengrinews.kz تٸلشٸسٸ.
"Green Bus Company" جشس الماتىلىق فيليالىنىڭ ٶكٸلدەرٸ وقيعانىڭ تاڭعى 8-دە تٶلە بي مەن ٶتەگەن باتىر كٶشەلەرٸنٸڭ قيىلىسىندا بولعانىن ايتتى.
جٷرگٸزۋشٸ قىزدى قاققان كەزدە باعدارشامنىڭ قىزىل تٷسٸنە ٶتكەنٸن مويىنداپتى.
"جٷرگٸزۋشٸنٸڭ ايتۋىنشا, ول تٶلە بي كٶشەسٸمەن شىعىس باعىتتا باعدارشامنىڭ جاسىل تٷسٸنە ٶتٸپ بارا جاتقاندا, جولعا قىز اتىپ شىققان. جٷرگٸزۋشٸ دەرەۋ توقتاي الماي, قىزدى قاعىپ كەتكەن. العان جاراقاتىنان قىز بالا وقيعا ورنىندا قازا تاپتى. قايتىس بولعان قىز 1994 جىلعى ەكەنٸ انىقتالدى. جول-كٶلٸك وقيعاسىنٸڭ مەن-جايىن جول پوليتسييا قىزمەتكەرلەرٸ اينالىسىپ جاتىر. سونىمەن قاتار, بٸزدە تەحنيكالىق تۇستارىن انىقتاپ, تەكسەرۋ جٷرگٸزٸپ جاتىرمىز", - دەدٸ "Green Bus Company" جشس الماتىلىق فيليالىنىڭ ديرەكتورى باۋىرجان قۇلىشەۆ.
ونىڭ مەلٸمەتٸنشە, اۆتوبۋس تٸزگٸنٸندە وقو تۋماسى 1977 جىلعى جەنٸبەكوۆ ەنۋار مۇقانۇلى بولعان. 2016 جىلى 12 قازاندا ول "Green Bus Company" جشس الماتىلىق فيليالىنىڭ № 3 كوممۋنالدىق اۆتوبۋس پاركٸنە (كاپ) جۇمىسقا تۇرعان. 2017 جىلى 1 جەلتوقساندا № 1 كاپ-قا اۋىسقان. جالپى ەڭبەك ٶتٸلٸ - جەتٸ جىل. ٷيلەنگەن, ٷش بالاسى بار.
"جٷرگٸزۋشٸ بٸزدە ٸستەپ جاتقانىنا ەكٸ جىل بولدى. وسى كٷنگە دەيٸن ونىڭ تاراپىنان ەشقانداي ەرەجە بۇزۋشىلىق بولعان ەمەس. بٸز وعان جاقسى جاعىنان باعا بەرەمٸز", - دەدٸ باۋىرجان قۇلىشەۆ.
اۆتوپاركتەگٸلەر قايتىس بوعلان قىزدىڭ وتباسىنا كٶمەكتەسۋگە ۋەدە بەردٸ.
"بٸز جەرلەۋ رەسٸمٸنە كەتكەن شىعىننىڭ بارلىعىن ٶز موينىمىزعا الامىز. بۇل بٸزدٸڭ جٷرگٸزۋشٸنٸڭ كٸنەسٸ. سونداي-اق قىزدىڭ وتباسى ساقتاندىرۋ كومپانيياسىنان اقشا الادى", - دەدٸ ول.
ەسكە سالايىق, جول-كٶلٸك وقيعاسى بٷگٸن تٶلە بي مەن ٶتەگەن باتىر كٶشەلەرٸنٸڭ قيىلىسىندا بولعان. كۋەگەرلەردٸڭ ايتۋىنشا, 126-باعىتتاعى اۆتوبۋس جٷرگٸزۋشٸسٸ تٶلە بي كٶشەسٸمەن شىعىس باعىتتا كەلە جاتقان. بٸراق جەدەل جەردەم كەلگەندە ەيەل العان جاراقاتتارىنان قازا بولعان.
