الماتى قالاسىنىڭ باس پوليتسەيٸ شاھارداعى قىلمىستار سانىنىڭ ازايۋ سەبەپتەرٸ تۋرالى ايتىپ بەردٸ,دەپ حابارلايدى "ۇلت اقپارات".
بىلتىر شاھارداعى قىلمىس دەڭگەيٸ ەكٸ ەسەگە ازايدى. اتاپ ايتقاندا, قوعامدىق ورىنداردا قۇقىق بۇزۋشىلىقتاردىڭ سانى تٶمەندەدٸ, كٶشەدەگٸ قىلمىستار دا ازايدى. سونىمەن قاتار, قىلمىستىڭ «ٸزٸن سۋىتپاي» اشۋ 12,3%-عا جاقساردى.
«قالادا قىلمىستىڭ ازايۋىنا ٷش سەبەپ ەسەر ەتتٸ, ولار – كارانتيندٸك شارالاردى كٷشەيتۋ, پوليتسييانىڭ مودۋلدٸك بەكەتتەرٸن قۇرۋ جەنە جاياۋ ناريادتاردى كٶبەيتۋ. الماتى قالاسىندا قوعامدىق تەرتٸپتٸ قورعاۋدى پوليتسييانىڭ كەشەندٸ كٷشتەرٸ اۋلالار مەن كٶشەلەردٸ پاترۋلدەۋ ارقىلى جٷزەگە اسىرادى. بٷگٸندە ورتا ەسەپپەن كٷنٸنە كٶشەدە 1650 پوليتسييا قىزمەتكەرٸ مەن ۇلتتىق ۇلاننىڭ 660 ەسكەري قىزمەتشٸسٸ ەكٸ اۋىسىمدا, 550 كريمينوگەندٸ باعىتتاعى اۋلالاردىڭ اۋماقتارىن بارىنشا قامتىپ, قوعامدىق تەرتٸپتٸ قورعاۋ ٷشٸن جۇمىلدىرىلعان. سونىمەن قاتار, 37 ەڭ كريمينوگەندٸك ايماق انىقتالدى, ەر اۋداندا 4-5 ايماق, وندا مودۋلدٸك پوليتسييا بەكەتتەرٸ ورناتىلىپ, جاياۋ جاساقتاردىڭ سانى كٶبەيتٸلدٸ. جاياۋ جاساقتاردىڭ سانى 100 پاترۋلگە كٶبەيدٸ. ەگەر 2019 جىلى 250 جاياۋ پاترۋل بولسا, 2020 جىلى ولاردىڭ سانى 350 بولدى,- دەدٸ الماتى قالالىق پوليتسييا دەپارتامەنتٸنٸڭ باستىعى قانات تايمەردەنوۆ.
مودۋلدٸك پوست پاترۋلدٸك بەكەتتەردٸڭ ورتالىعى. پاترۋلدٸك مارشرۋتتار پوستتاردان بٸردەي قاشىقتىقتا بولاتىنداي ەتٸپ قۇرىلعان, سول ارقىلى قۇقىق بۇزۋشىلىقتار تۋرالى حابارلامالارعا جەدەل دەن قويۋ, جاياۋ جٷرگٸنشٸلەر مەن پاترۋلدەۋشٸ كٶلٸك قۇرالدارىمەن راديوبايلانىس ارقىلى جٷزەگە اسىرىلاتىن اقپاراتتارمەن الماسۋ جەنە ٶڭدەۋ مٷمكٸندٸگٸ بەرٸلەدٸ.
جەدەل دەن قويۋ قىلمىسكەرلەردٸ تەز ۇستاۋعا جەنە جەتكٸزۋگە ىقپال ەتەدٸ جەنە قىزمەتكەرلەردٸڭ ٶزارا الماسۋىن قامتاماسىز ەتەدٸ.
«مەسەلەن, الاتاۋ اۋدانىنداعى «نۇركەنت» شاعىن اۋدانىندا 2020 جىلدىڭ قىركٷيەك-قازان ايلارىندا 17 قىلمىس تٸركەلدٸ. سول جىلدىڭ قاراشا ايىندا مودۋلدٸك پوست ورناتىلعاننان كەيٸن قىلمىستاردى تٸركەۋ كٶرسەتكٸشٸ ەكٸ ايدا توعىز عانا قىلمىستى قۇرادى. ونىڭ ٸشٸندە بەسەۋٸ «ٸزٸن سۋىتپاي» اشىلدى. وسىلايشا, جاياۋ جٷرگٸنشٸلەر مەن اۆتوكٶلٸك ناريادتارىنىڭ سانىن قايتا بٶلۋ, ستاتسيونارلىق مودۋلدٸك پوليتسييا بەكەتتەرٸن قۇرۋ, الدىن الۋ جۇمىستارىنىڭ تيٸمدٸلٸگٸن ارتتىرادى, ازاماتتاردىڭ ٶتٸنٸشتەرٸنە جەدەل جاۋاپ بەرۋگە مٷمكٸندٸك بەرەدٸ جەنە «قولجەتٸمدٸ پوليتسييا» قاعيداتىن جٷزەگە اسىرۋعا ىقپال ەتەدٸ , – دەپ تٷيٸندەدٸ قانات تايمەردەنوۆ.
