الماتىدا كٷنٸنە COVID-19 اۋرۋىمەن 50 ناۋقاس اۋرۋحاناعا جاتقىزىلادى. بۇل تۋرالى قالالىق قوعامدىق دەنساۋلىق ساقتاۋ دەپارتامەنتٸنٸڭ باستىعى ناريمان تابىنباەۆ ونلاين بريفينگتە ايتتى, دەپ حابارلايدى قازاقپارات.
«قالاداعى ەپيدەميولوگييالىق جاعداي تۇراقتى. بٸز كوروناۆيرۋسپەن كٷرەستە جٷيەلٸ شەشٸمدەر مەن تيٸمدٸ تەسٸلدەردٸ جەدەل جٷزەگە اسىرا الدىق. قازٸر بارلىق دەڭگەيدە اۋقىمدى جۇمىستار جٷرگٸزٸلۋدە. دەگەنمەن, سوڭعى ۋاقىتتا جٸتٸ رەسپيراتورلىق اۋرۋلارمەن جەنە تۇماۋمەن اۋىراتىندار سانىنىڭ ارتۋى, سونداي-اق COVID-19 بويىنشا ستاتيستيكا بٸرشاما ٸركٸلٸس تۋدىرۋدا. بٸز «سارى ايماقتا» تۇراقتى تۇرمىز جەنە كوروناۆيرۋسقا شالدىققاندار سانى كٷن سايىن 90 ادامنان تٶمەن تٷسپەيدٸ. سونىمەن قاتار, كۆي دياگنوزى بار پاتسيەنتتەردٸڭ سانى ٶسۋدە, ياعني, كوۆيدتٸ پنەۆمونييا. بٸرٸنشٸدەن, بٸز بۇل كٶرسەتكٸشتەردٸ ۆيرۋس ينفەكتسييالارىنىڭ ماۋسىمدىق شارىقتاۋ شەگٸمەن بايلانىستىرامىز. جالپى, قالانىڭ دەنساۋلىق ساقتاۋ جٷيەسٸ COVID-پەن كٷرەسۋگە بەيٸمدەلگەن جەنە ەرتٷرلٸ ستسەنارييلەرگە دايىن», - دەيدٸ قالانىڭ باس دەرٸگەرٸ.
الماتىدا پاندەمييا باستالعالى بەرٸ كۆي-دٸڭ 19 138 جاعدايى تٸركەلدٸ. سوڭعى تەۋلٸكتە 105 جاڭا جاعداي انىقتالدى.
«كوروناۆيرۋسپەن كٷرەسۋگە باعىتتالعان ۋاقتىلى قابىلدانعان شەشٸمدەر ٶز نەتيجەسٸن بەرەدٸ. ينفەكتسييالىق ستاتسيونارلاردىڭ جٷكتەمەسٸ ازايدى, بٷگٸندە 1 261 تٶسەك جۇمىس ٸستەيدٸ, بۇل رەتتە جالپى سانىنىڭ 68% - ى نەمەسە 5 145 تٶسەك رەزەرۆتە تۇر. قازٸرگٸ ۋاقىتتا تەۋلٸگٸنە ورتا ەسەپپەن 50-گە دەيٸن پاتسيەنت اۋرۋحاناعا جاتقىزىلادى», - دەدٸ ول.
