الماتىدا كوروناۆيرۋستان بٸر ايلىق نەرەستە كٶز جۇمدى. بۇل تۋرالى ونلاين بريفينگ بارىسىندا قالالىق قوعامدىق دەنساۋلىق ساقتاۋ باسقارماسىنىڭ باستىعى ناريمان تابىنباەۆ ايتتى, دەپ حابارلايدى "ۇلت اقپارات".
«وسىدان بٸر اي بۇرىن الماتىدا بٸر ايلىق بالا كوروناۆيرۋستان قايتىس بولدى. ٶكٸنٸشكە وراي, ونىڭ ٶمٸرٸن ساقتاپ قالا المادىق», - دەيدٸ باسقارما باسشىسى.
ونىڭ ايتۋىنشا, قازٸر كوروناۆيرۋس جۇقتىرعان 195 بالا اۋرۋحانادا ەم قابىلداپ جاتىر.
«قازاقستاندا, ەسٸرەسە الماتىدا كوروناۆيرۋس جۇقتىرعان بالالاردىڭ سانى ارتىپ كەلەدٸ. بٷگٸندە 195 ناۋقاس بالا اۋرۋحانادا جاتىر. 2540 بالا ٷيدەن ەم الۋدا. ەكٸ بالا جانساقتاۋ بٶلٸمٸندە», - دەپ تٷسٸندٸردٸ ناريمان تابىنباەۆ.
