Almatyda koronavirýstan bir ailyq náreste kóz jumdy. Bul týraly onlain brifing barysynda qalalyq qoǵamdyq densaýlyq saqtaý basqarmasynyń bastyǵy Nariman Tabynbaev aitty, dep habarlaidy "Ult aqparat".
«Osydan bir ai buryn Almatyda bir ailyq bala koronavirýstan qaitys boldy. Ókinishke orai, onyń ómirin saqtap qala almadyq», - deidi basqarma basshysy.
Onyń aitýynsha, qazir koronavirýs juqtyrǵan 195 bala aýrýhanada em qabyldap jatyr.
«Qazaqstanda, ásirese Almatyda koronavirýs juqtyrǵan balalardyń sany artyp keledi. Búginde 195 naýqas bala aýrýhanada jatyr. 2540 bala úiden em alýda. Eki bala jansaqtaý bóliminde», - dep túsindirdi Nariman Tabynbaev.
