الماتى ەكٸمٸ ەربولات دوساەۆ كٶپقاباتتى اۆتوتۇراقتار سالۋ جوباسى تۋرالى ايتتى, - دەپ حابارلايدى Tengrinews.kz.
قالا ەكٸمٸ ەربولات دوساەۆپەن كەزدەسۋدە ەۋەزوۆ اۋدانىنىڭ تۇرعىندارى اۆتوتۇراق مەسەلەسٸنە شاعىمداندى.
"اۋدانداردا كٶلٸك تۇراعى بويىنشا ٷلكەن مەسەلەلەر بار. كٶشەلەر بٸتەلٸپ, كٶلٸك جٷرەتٸن جولدار تولىپ, تٸپتٸ جارتىلاي جابىلىپ قالادى. نەتيجەسٸندە, ٶرتسٶندٸرۋشٸلەر دە, قاجەت كەزدە جەدەل جەردەم دە ٶتە المايدى. كٶپقاباتتى اۆتوتۇراقتار قاجەتتٸلٸگٸ تۋىنداپ تۇر", - دەدٸ اۋدان تۇرعىندارىنىڭ بٸرٸ.
سۇراققا جاۋاپ بەرگەن قالا باسشىسى شەنەۋنٸكتەر جاقىن ارادا بۇل مەسەلەنٸ شەشۋگە "ٷلكەن باعدارلاما" دايىندايتىنىن اتاپ ٶتتٸ.
"جەرٸ جالعا بەرٸلگەن كٶپتەگەن كٶلٸك تۇراعى بار. باعدارلامانى دايىنداپ بولعاننان كەيٸن, ۇزاق ۋاقىت بويى 50 نەمەسە 100 ورىندى تۇراقتاردان اقشا تاپقان يەلەنۋشٸلەرگە شارت قويعىم كەلەدٸ. 500 كٶلٸككە بەس قابات تۇرعىزا الامىز. اۋلالار دا بوسايدى.
الماتى قالاسىندا كٶپقاباتتى اۆتوتۇراقتار سالۋ بويىنشا ٷلكەن باعدارلاما دايىندالادى. باعدارلامانى جىل اياعىنا دەيٸن تانىستىرۋدى جوسپارلاپ وتىرمىز. بۇل اۋلالاردى ٸشٸنارا بوساتادى. 2023 جىلى جەكە ينۆەستورلارمەن جۇمىس ٸستەي باستايمىز", - دەدٸ دوساەۆ.
