تمد ميسسيياسىنىڭ حالىقارالىق بايقاۋشىسى ۆالەنتين كولياسەۆ الماتىداعى جالپىقالالىق باسپاسٶز ورتالىعىندا ٶتكەن بريفينگتە سايلاۋ ۋچاسكەلەرٸندە ەشقانداي زاڭبۇزۋشىلىقتاردىڭ ورىن الماعانىن اتاپ ٶتتٸ, دەپ حابارلايدى قازاقپارات.
ۆالەنتين كولياسەۆتٸڭ ايتۋىنشا, تمد ميسسيياسىنان قازاقستاندا ٶتٸپ جاتقان سايلاۋعا قاتىسۋ ٷشٸن 234 ادام تٸركەلگەن. ونىڭ تٶرتەۋٸ الماتىدا جۇمىس ٸستەپ جاتىر.
«بٸز تاڭەرتەڭ شامامەن 10 سايلاۋ ۋچاسكەسٸنە باردىق. تٶرت ۋچاسكەنٸڭ اشىلۋىندا بولدىق. سايلاۋ ۋچاسكەلەرٸندە ەشقانداي زاڭبۇزۋشىلىقتى بايقامادىق», – دەدٸ حالىقارالىق بايقاۋشى.
سونىمەن قاتار, ول سايلاۋ پروتسەسٸنٸڭ ۇيىمداستىرىلۋىنا توقتالدى.
«بٸزدٸ قورعانىس كوستيۋمٸ مەن ماسكا كيگەن ادامدار قارسى الدى, ماسكا كيگٸزٸپ, تەمپەراتۋرانى ٶلشەدٸ. زالدا بايقاۋشىلار ٷشٸن 10 ورىن بولدى. جۇمىستىڭ باسىندا دا, پروتسەستە دە بارلىعى ەش كەدەرگٸسٸز قر زاڭناماسىنىڭ نورمالارى بويىنشا ورىندالدى. كوميسسيياعا دا, سايلاۋشىلارعا دا قىسىم بولعان جوق. مەنٸڭ ويىمشا, بۇل تۇرعىدا بەرٸ ويداعىداي بولدى», – دەپ اتاپ ٶتتٸ ۆ.كولياسەۆ.
بايقاۋشى سانيتارلىق نورمالاردىڭ ساقتالۋىنا ەرەكشە نازار اۋداردى.
«بارلىق سانيتارلىق نورمالار ساقتالدى. بايقاۋشىلار بٸر-بٸرٸنەن 2 مەتر قاشىقتا وتىردى. بارلىعى بەتپەردە, ارنايى حالاتتار مەن كاسكا كيٸپ وتىردى», – دەيدٸ ۆ.كولياسەۆ.
