TMD missiiasynyń halyqaralyq baiqaýshysy Valentin Koliasev Almatydaǵy jalpyqalalyq baspasóz ortalyǵynda ótken brifingte sailaý ýchaskelerinde eshqandai zańbuzýshylyqtardyń oryn almaǵanyn atap ótti, dep habarlaidy QazAqparat.
Valentin Koliasevtiń aitýynsha, TMD missiiasynan Qazaqstanda ótip jatqan sailaýǵa qatysý úshin 234 adam tirkelgen. Onyń tórteýi Almatyda jumys istep jatyr.
«Biz tańerteń shamamen 10 sailaý ýchaskesine bardyq. Tórt ýchaskeniń ashylýynda boldyq. Sailaý ýchaskelerinde eshqandai zańbuzýshylyqty baiqamadyq», – dedi halyqaralyq baiqaýshy.
Sonymen qatar, ol sailaý protsesiniń uiymdastyrylýyna toqtaldy.
«Bizdi qorǵanys kostiými men maska kigen adamdar qarsy aldy, maska kigizip, temperatýrany ólshedi. Zalda baiqaýshylar úshin 10 oryn boldy. Jumystyń basynda da, protseste de barlyǵy esh kedergisiz QR zańnamasynyń normalary boiynsha oryndaldy. Komissiiaǵa da, sailaýshylarǵa da qysym bolǵan joq. Meniń oiymsha, bul turǵyda bári oidaǵydai boldy», – dep atap ótti V.Koliasev.
Baiqaýshy sanitarlyq normalardyń saqtalýyna erekshe nazar aýdardy.
«Barlyq sanitarlyq normalar saqtaldy. Baiqaýshylar bir-birinen 2 metr qashyqta otyrdy. Barlyǵy betperde, arnaiy halattar men kaska kiip otyrdy», – deidi V.Koliasev.
