فوتو: الماتى قالاسىنىڭ ەكٸمدٸگٸ
الماتىدا 3 تامىزدان باستاپ قوعامدىق كٶلٸكتە جول جٷرۋ اقىسى 120 تەڭگە بولادى. جول جٷرۋ اقىسىن قولما-قول تٶلەۋ مٷمكٸندٸگٸ دە الىنىپ تاستالدى, دەپ حابارلايدى «ۇلت اقپارات» ەكٸمدٸكتٸڭ باسپاسٶز قىزمەتٸنە سٸلتەمە جاساپ.
اي سايىنعى جول جٷرۋ كارتاسىنىڭ قۇنى 9900 تەڭگە, ستۋدەنتتٸك جول جٷرۋ بيلەتٸ 4200 تەڭگە, مەكتەپتەگٸ جول جٷرۋ كارتاسى 2 مىڭ تەڭگە, زەينەتاقى كارتاسى 3 مىڭ تەڭگە بولادى.
ال ۇلى وتان سوعىسىنا قاتىسۋشىلارعا, 75 جاستان اسقان زەينەتكەرلەرگە, I جەنە II توپتاعى مٷگەدەكتٸگٸ بارلار, 18 جاسقا دەيٸنگٸ مٷگەدەك بالالار, ساياسي قۋعىن-سٷرگٸن قۇرباندارى مەن باسقا مەملەكەتتەردٸڭ اۋماعىنداعى سوعىس قيمىلدارىنىڭ ارداگەرلەرٸنە تەگٸن جولداما بەرٸلەدٸ.
ستۋدەنتتەر, قارت زەينەتكەرلەر, كٶپ بالالى انالار, مٷگەدەك بالالاردى الىپ جٷرەتٸن تۇلعالار ٷشٸن تاريفتٸڭ 50% جەڭٸلدٸگٸ ساقتالادى.
قالالىق موبيلدٸلٸك باسقارماسى مەلٸمەتٸنشە, بٷگٸندە جولاۋشىلاردىڭ 97%-دان استامى جول اقىسىن قولما-قول اقشاسىز ەدٸسپەن: “Onay” كارتاسى, SMS ارقىلى, موبيلدٸ قوسىمشا ارقىلى تٶلەيدٸ. ەكٸمدٸكتەگٸلەر شەتەلدٸك قوناقتارعا ىڭعايلى بولۋ ٷشٸن قوسىمشادا ينتەرفەيستٸ اعىلشىن تٸلٸندە ەنگٸزۋ پىسىقتالىپ جاتقانىن ايتتى.
"سونىمەن قاتار جول جٷرۋ اقىسىن ەلەمەۋ فاكتٸلەرٸن ازايتۋ ماقساتىندا جولاۋشىلارعا بيلەتتەردٸ تەكسەرۋ, سونداي-اق جٷرگٸزۋشٸ تاراپىنان بۇزۋشىلىقتاردى ەسەپكە الۋ بويىنشا بٸرىڭعاي باقىلاۋ قىزمەتٸن قۇرۋ مەسەلەسٸ قاراستىرىلىپ جاتىر”, – دەلٸنگەن حابارلامادا.
بۇل رەتتە نورماتيۆتٸك مودەل جوباسى مەن جاڭا تاريفتٸك مەزٸر ەزٸرلەنٸپ جاتىر. ونىڭ اياسىندا جول جٷرۋ كارتالارىنىڭ تٷرلەرٸ, ونىڭ ٸشٸندە تەگٸن اۋدارىمداردى جٷزەگە اسىرۋ مٷمكٸندٸگٸ بار كارتالار ۇسىنىلادى.
ايتا كەتەيٸك, بۇعان دەيٸن الماتىدا قوعامدىق كٶلٸكتە جول جٷرۋ اقىسى 120 تەڭگەگە كٶتەرٸلەتٸنٸ ايتىلعان ەدٸ.
