فوتو: Tengrinews.kz/تۇرار قازانعاپوۆ
الماتىدا رەسەيلٸك مەملەكەتتٸك نٶمٸرلەرمەن جٷرگەن كەيبٸر كٶلٸكتەر رەسەيلٸك جول پوليتسيياسىنىڭ دەرەكتەر بازاسىنا سەيكەس كەلمەيدٸ. مۇنى "ورتاق جول" جول قوزعالىسى قاۋٸپسٸزدٸگٸ اسسوتسياتسيياسىنىڭ باسشىسى ارسەن شاكۋوۆ انىقتاعان, - دەپ حابارلايدى Tengrinews.kz تٸلشٸسٸ.
ول بٸرنەشە كٶلٸكتٸ رەسەيلٸك كٶلٸك قۇرالىنىڭ ەسەپكە الۋ بازاسىنان تەكسەرٸپ, مەملەكەتتٸك نٶمٸر سەيكەس كەلمەيتٸنٸن نەمەسە متنب ەسەبٸنەن شىققانىن انىقتاعان.
"مىسالى, جولدا تويوتا ەستيمانى كٶردٸم, مەملەكەتتٸك نٶمٸرٸ م809مس102, بٸراق جول پوليتسيياسى دەرەكتەر بازاسىنان تەكسەرسەم, بۇل نٶمٸر ۋاز ماركالى اۆتوكٶلٸگٸنە تٸركەلگەن ەكەن, كەلەسٸ كٶلٸك تويوتا پرادو بولدى مەملەكەتتٸك نٶمٸرٸ س116ما06, ال بۇل نٶمٸر ەسەپتەن شىعارىلعان اۋدي ا6 ماركالى اۆتوكٶلٸگٸنە تٸركەلگەن", - دەپ جازدى شاكۋوۆ Facebook-تاعى پاراقشاسىندا.
"قالادا رەسەيلٸك نٶمٸرلەرمەن جٷرگەن كٶلٸكتەردٸ سۋرەتكە تٷسٸرە باستادىم. بەس ماشينانىڭ ەكەۋٸندە وسىنداي جاعداي, بٸرەۋٸندە باسقا نٶمٸر, ەكٸنشٸسٸ ەسەپتەن شىققان. ەگەر كٶلٸك ۇرلانىپ, تەحنيكالىق پاسپورتى قولدان جاسالسا, قازاقستاندا ونى ايداي بەرەدٸ. مۇندا قازاقستاندىق پوليتسەيلەر ونى تەكسەرە المايدى, ٶيتكەنٸ ولار رەسەيلٸك بازانى قاراي المايدى. مەسەلەنٸڭ بەرٸ وسىدان شىعىپ وتىر", - دەدٸ ارسەن شاكۋوۆ.
"بۇل - ازاماتتاردىڭ جەكە مەسەلەلەرٸنەن تۋىنداعان جەنە مەملەكەتارالىق مەسەلەگە اينالعان جاعداي. بۇل مەسەلەنٸ شەشۋدٸڭ ماڭىزدى جولدارىنىڭ بٸرٸ - ەۋرازييالىق وداق اياسىندا رەسەيلٸك كٶلٸكتەردٸ ەسەپكە الۋ بازاسىن قازاقستاندىق بازامەن بٸرٸكتٸرۋ, ينتەگراتسييالاۋ. ەۋروپاداعى سيياقتى بٸر بازا بولۋ ٷشٸن. مىسالى, بەرلين پوليتسيياسى فرانتسييادا تٸركەلگەن كٶلٸكتٸ تەكسەرە الادى. ەاەو شەڭبەرٸندە وسى بازالاردى بٸرٸكتٸرە الامىز. بۇل بولاشاقتا وسىنداي مەسەلەلەردٸڭ الدىن الۋعا كٶمەكتەسەدٸ", - دەدٸ "ورتاق جول" جول قوزعالىسى قاۋٸپسٸزدٸگٸ قاۋىمداستىعىنىڭ باسشىسى ارسەن شاكۋوۆ.
ٸٸم مەلٸمەتٸنشە, قازاقستان اۋماعىندا جٷرگەن 88 مىڭ رەسەيلٸك تٸركەۋدە تۇرعان كٶلٸك رەسەي فەدەراتسيياسىنىڭ ٸٸم ەسەبٸندە تۇرمايدى. ياعني, ولار بەلگٸلەنگەن تەرتٸپپەن تٸركەلمەگەن نەمەسە قازاقستان ازاماتتارىنا ساتىلعان, سودان كەيٸن ولاردىڭ يەلەرٸ - رەسەي ازاماتتارى تٸركەلگەن جەرٸ بويىنشا ەسەپتەن شىعارعان. كەيبٸر كٶلٸكتەر ۇرلانعان بولىپ شىقتى.
ەسكە سالايىق, بۇعان دەيٸن پوليتسييا رەسەيدە ەسەپتەن شىعارىلعان كٶلٸكتەردٸ تۇراققا قويا باستاعان ەدٸ.
