Foto: Tengrinews.kz/Turar Qazanǵapov
Almatyda reseilik memlekettik nómirlermen júrgen keibir kólikter reseilik jol politsiiasynyń derekter bazasyna sáikes kelmeidi. Muny "Ortaq jol" jol qozǵalysy qaýipsizdigi assotsiatsiiasynyń basshysy Arsen Shakýov anyqtaǵan, - dep habarlaidy Tengrinews.kz tilshisi.
Ol birneshe kólikti reseilik kólik quralynyń esepke alý bazasynan tekserip, memlekettik nómir sáikes kelmeitinin nemese MTNB esebinen shyqqanyn anyqtaǵan.
"Mysaly, jolda Toiota Estimany kórdim, memlekettik nómiri m809ms102, biraq jol politsiiasy derekter bazasynan teksersem, bul nómir ÝAZ markaly avtokóligine tirkelgen eken, kelesi kólik Toiota Prado boldy memlekettik nómiri s116ma06, al bul nómir esepten shyǵarylǵan Aýdi A6 markaly avtokóligine tirkelgen", - dep jazdy Shakýov Facebook-taǵy paraqshasynda.
"Qalada reseilik nómirlermen júrgen kólikterdi sýretke túsire bastadym. Bes mashinanyń ekeýinde osyndai jaǵdai, bireýinde basqa nómir, ekinshisi esepten shyqqan. Eger kólik urlanyp, tehnikalyq pasporty qoldan jasalsa, Qazaqstanda ony aidai beredi. Munda qazaqstandyq politseiler ony teksere almaidy, óitkeni olar reseilik bazany qarai almaidy. Máseleniń bári osydan shyǵyp otyr", - dedi Arsen Shakýov.
"Bul - azamattardyń jeke máselelerinen týyndaǵan jáne memleketaralyq máselege ainalǵan jaǵdai. Bul máseleni sheshýdiń mańyzdy joldarynyń biri - Eýraziialyq odaq aiasynda reseilik kólikterdi esepke alý bazasyn qazaqstandyq bazamen biriktirý, integratsiialaý. Eýropadaǵy siiaqty bir baza bolý úshin. Mysaly, Berlin politsiiasy Frantsiiada tirkelgen kólikti teksere alady. EAEO sheńberinde osy bazalardy biriktire alamyz. Bul bolashaqta osyndai máselelerdiń aldyn alýǵa kómektesedi", - dedi "Ortaq jol" jol qozǵalysy qaýipsizdigi qaýymdastyǵynyń basshysy Arsen Shakýov.
IIM málimetinshe, Qazaqstan aýmaǵynda júrgen 88 myń reseilik tirkeýde turǵan kólik Resei Federatsiiasynyń IIM esebinde turmaidy. Iaǵni, olar belgilengen tártippen tirkelmegen nemese Qazaqstan azamattaryna satylǵan, sodan keiin olardyń ieleri - Resei azamattary tirkelgen jeri boiynsha esepten shyǵarǵan. Keibir kólikter urlanǵan bolyp shyqty.
Eske salaiyq, buǵan deiin politsiia Reseide esepten shyǵarylǵan kólikterdi turaqqa qoia bastaǵan edi.
