بٷگٸن الماتىدا كارانتيندە جاتىپ بوسانعان 32 جاستاعى ەيەل پروۆيزورلىق ورتالىقتان شىقتى, دەپ حابارلايدى "ۇلت اقپارات".
قالالىق قوعامدىق دەنساۋلىق باسقارماسىنىڭ حابارلاۋىنشا, پاتسيەنت 12 سەۋٸردە №1 قالالىق كلينيكالىق اۋرۋحاناعا دەنە قىزۋى 38 گرادۋسقا دەيٸن كٶتەرٸلٸپ, جٶتەل, تاماقتىڭ جىبىرلاۋى سيياقتى كاتارالدى سيمپتومدارمەن تٷسكەن.
اۋرۋحانادا كوروناۆيرۋستىق ينفەكتسيياعا تالداۋ الىندى, ول تەرٸس نەتيجە كٶرسەتتٸ.
بۇل كەلٸنشەكتٸڭ العاشقى رەت بوسانۋى ەكەنٸن ايتا كەتۋ كەرەك.
14 سەۋٸردە ەيەل بوسانىپ, سالماعى 3 كەلٸ ۇل بالا تۋعان.
«مەن كارانتيندە بولعانىمدا بوسانۋىما تۋرا كەلدٸ. بۇل مەنٸڭ تۇڭعىشىم بولعاندىقتان ٶتە قاتتى ۋايىمداپ ەدٸم. بۇعان دەيٸن قاسىما سەرٸك بولاتىن اداممەن بوسانۋدى جوسپارلاعانمىن, بٸراق تولعاعىم كارانتينگە تۋرا كەلدٸ. بٸراق مەن مەديتسينا قىزمەتكەرلەرٸنٸڭ قامقورلىعىنىڭ ارقاسىندا جالعىزسىرامادىم. مەنٸڭ اتا-انام قالا سىرتىندا تۇرادى. ولاردىڭ مەنٸ, بالانى ۋايىمداعانى راس. ستاتسيوناردىڭ مەديتسينا قىزمەتكەرلەرٸنە ٷلكەن راحمەت ايتقىم كەلەدٸ. كارانتين كەزٸندە مەن ولاردان كٶپ نەرسەنٸ ٷيرەندٸم, جاس انا كۋرسىنان ٶتتٸم دەپ تە ايتۋعا بولادى», - دەدٸ اجار مانحانوۆا.
«بٷگٸن اناسى ۇلىمەن بٸرگە قورىتىندى تالداۋدان كەيٸن ٷيٸنە شىعارىلدى. اناسىنىڭ دا, سەبيدٸڭ دە جاعدايى جاقسى» – دەدٸ ستاتسيونار باسشىسى ەرنەست قاليەۆ.
جالپى, قازٸر №1 قالالىق اۋرۋحانانىڭ پەرزەنتحانا بلوگىندا Cوvid-19 دياگنوزى راستالعان 6 ەيەل جاتىر. ولاردىڭ ەكەۋٸ بوسانعان. كارانتيندە 24 جٷكتٸ ەيەل بار.
