الماتى قالاسىنىڭ تۇرعىنى ەپيلەپسييا جەنە اقىل-وي دامۋىندا ەرەكشەلٸگٸ بار 26 جاستاعى قىزىنا قاتىستى جىنىستىق سيپاتتاعى قىلمىس جاسالعانىن ايتىپ, قۇقىق قورعاۋ ورگاندارىنىڭ شەشٸمٸنە نارازىلىق بٸلدٸردٸ, دەپ حابارلايدى ult.kz.
Jas Alash دەرەگٸنشە, وقيعا 2026 جىلدىڭ ناۋرىز ايىندا بولعان. ونىڭ سٶزٸنشە, سوت-مەديتسينالىق ساراپتاما قىزدىڭ جىنىستىق زورلىققا ۇشىراعانىن راستاعان. الايدا كەيٸن پوليتسييا قىلمىستىق ٸستٸ توقتاتىپ, بۇل شەشٸمدٸ اۋداندىق پروكۋراتۋرا ماقۇلداعان.
اناسى قىزىنىڭ دەنساۋلىق جاعدايىنا بايلانىستى ٶز بەتٸنشە سانالى شەشٸم قابىلداي المايتىنىن ايتادى. ونىڭ سٶزٸنشە, 26 جاستاعى قىزدىڭ ويلاۋ قابٸلەتٸ جاس بالا دەڭگەيٸندە: ول وقي المايدى, ۋاقىتتى اجىراتا المايدى جەنە كٷندەلٸكتٸ ٶمٸردە تۇراقتى كٷتٸمدٸ قاجەت ەتەدٸ. سوعان قاراماستان, تەرگەۋ بارىسىندا بولعان وقيعا «ٶزارا كەلٸسٸممەن جاسالعان» دەگەن قورىتىندى جاسالعانىن جەتكٸزدٸ.
سونداي-اق ەيەل كٷدٸكتٸ تاراپتىڭ ٸستٸ توقتاتۋ ٷشٸن اقشا ۇسىنعانىن, بٸراق ودان باس تارتقانىن مەلٸمدەدٸ. ول كٸنەلٸلەردٸڭ زاڭ الدىندا جاۋاپ بەرۋٸن تالاپ ەتٸپ وتىر.
الماتى قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەكتٸڭ ايتۋىنشا, جەبٸرلەنۋشٸ تاراپ كەلتٸرگەن ۋەجدەر تەرگەۋ بارىسىندا ٶز دەلەلٸن تاپپاعان.
«قازاقستان رەسپۋبليكاسىنىڭ قىلمىستىق-پروتسەستٸك زاڭناماسىنىڭ تالاپتارىنا سەيكەس, قىلمىستىق ٸس قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلدى. بۇل شەشٸمدٸ اۋداندىق پروكۋراتۋرا قاداعالاۋشى ورگان رەتٸندە ماقۇلدادى», – دەدٸ ۆەدومستۆو ٶكٸلٸ.
قازٸرگٸ تاڭدا جەبٸرلەنۋشٸ تاراپ قازاقستان رەسپۋبليكاسىنىڭ باس پروكۋرورى بەرٸك اسىلوۆقا جٷگٸنٸپ, ٸستٸڭ قايتا قارالىپ, جان-جاقتى ەرٸ ەدٸل تەرگەلۋٸن قامتاماسىز ەتۋدٸ سۇراپ وتىر.
