الماتىدا اۋا رايىنىڭ كٷرت قۇبىلۋىنا بايلانىستى تۇرعىندار مەن قالا قوناقتارىنا تاۋعا بارماۋ جٶنٸندە ەسكەرتۋ جاسالدى. بۇل تۋرالى قالالىق تٶتەنشە جاعدايلار دەپارتامەنتٸ حابارلادى.
سينوپتيكتەردٸڭ بولجامىنا سەيكەس, 11 مامىر كٷنٸ الماتىدا نايزاعاي ويناپ, جاڭبىر جاۋادى, كەي جەرلەردە قاتتى نٶسەر كٷتٸلەدٸ. سونىمەن قاتار, سولتٷستٸك-باتىستان سوعاتىن جەلدٸڭ ەكپٸنٸ سەكۋندىنا 15–18 مەترگە دەيٸن جەتۋٸ مٷمكٸن.
ەسٸرەسە ٸلە-الاتاۋىنىڭ تاۋلى ايماقتارىندا جاعداي كٷردەلٸرەك. اقساي جەنە ٷلكەن الماتى ٶزەندەرٸنٸڭ الاپتارىندا قاتتى جاڭبىر, نايزاعاي, بۇرشاق جەنە ەكپٸنٸ 18–23 م/س-قا دەيٸن جەتەتٸن كٷشتٸ جەل بولجانىپ وتىر.
وسىعان بايلانىستى تجد ازاماتتاردى قاۋٸپسٸزدٸك شارالارىن قاتاڭ ساقتاۋعا شاقىرىپ, داۋىلدى ەسكەرتۋ كەزٸندە تاۋعا شىقپاۋدى قاتاڭ تٷردە ۇسىنادى.
ماماندار قاتتى جەل كەزٸندە مىنا ەرەجەلەردٸ ۇستانۋعا كەڭەس بەرەدٸ: كٶلٸكتٸ اعاش استىنا قالدىرماۋ, مٷمكٸندٸگٸنشە ٷيدەن شىقپاۋ, تەرەزە مەن ەسٸكتەردٸ مىقتاپ جابۋ, بالكون مەن اۋلاداعى جەڭٸل زاتتاردى جيناۋ. ەگەر دالادا بولساڭىز, جاقىن ماڭداعى عيماراتقا پانالاپ, جارناما قالقاندارى, اعاشتار مەن اياقتالماعان قۇرىلىستاردان الىس جٷرگەن جٶن. سونداي-اق ەلەكتر جەلٸلەرٸنە جاقىنداماۋ جەنە ٷزٸلگەن سىمدارعا قول تيگٸزبەۋ قاجەت.
