الماتىدا دەمحانادا جانجال شىعىپ, قىزداردىڭ بٸرٸ ەكٸنشٸسٸن پىشاقتاعان, دەپ حابارلايدى "ۇلت اقپارات".
الدىمەن اقپارات ەلەۋمەتتٸك جەلٸدە تارادى. جەبٸرلەنۋشٸ قىزدىڭ اتىنان ايتىلعان وقيعا Instagram-داعى پابليكتەردٸڭ بٸرٸندە جارييالاندى.
«مەنٸڭ اتىم بوتا. قازٸر اۋرۋحانادا پىشاق جاراقاتىمەن جاتىرمىن. 4 قىركٷيەكتە جاقىن قۇربىلارىم كٶپ ۋاقىتتان بەرٸ دەمحاناعا جينالدىق. بٸرازدان سوڭ قۇربىم ەكەۋمٸز سىرتقا شىقتىق. سول كەزدە 31 جاستاعى ايگەرٸم باقىتجانقىزىن كٶردٸك (لاقاپ اتى ايكا-ماجور). بٸر ۋاقىتتا بٸز وتىرعان كابيناعا ايكا ماجور كەلٸپ ەڭگٸمەگە تارتىپ, داۋلاسا باستادى. مازامدى الماۋىن سۇرادىم. بٸرنەشە سەكۋندتان سوڭ ارقامنان بٸرنەشە رەت پىشاق سالدى. قان اعىپ, قۇلاپ تٷستٸم», - دەلٸنگەن جازبادا.
بەلگٸلٸ بولعانداي, كٷدٸكتٸ وقيعا ورنىنان تايىپ تۇرعان, ال جەبٸرلەنۋشٸ اۋىر حالدە اۋرۋحاناعا جەتكٸزٸلدٸ.
قىلمىس مەدەۋ اۋدانىنداعى دەمحانالاردىڭ بٸرٸندە بولعان.
«كٷدٸكتٸ ۇستالدى. ۇرىس كەزٸندە 2 رەت پىشاق سالعان. بۇل دەرەك بويىنشا سوت-مەديتسينالىق ساراپتاما تاعايىندالدى. سونىڭ نەتيجەسٸندە كەلتٸرٸلگەن جاراقاتتىڭ اۋىرلىعى انىقتالىپ, قۇقىقتىق باعا بەرٸلەدٸ», - دەدٸ قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
