Almatyda dámhanada janjal shyǵyp, qyzdardyń biri ekinshisin pyshaqtaǵan, dep habarlaidy "Ult aqparat".
Aldymen aqparat áleýmettik jelide tarady. Jábirlenýshi qyzdyń atynan aitylǵan oqiǵa Instagram-daǵy pablikterdiń birinde jariialandy.
«Meniń atym Bota. Qazir aýrýhanada pyshaq jaraqatymen jatyrmyn. 4 qyrkúiekte jaqyn qurbylarym kóp ýaqyttan beri dámhanaǵa jinaldyq. Birazdan soń qurbym ekeýmiz syrtqa shyqtyq. Sol kezde 31 jastaǵy Aigerim Baqytjanqyzyn kórdik (laqap aty Aika-Major). Bir ýaqytta biz otyrǵan kabinaǵa Aika Major kelip áńgimege tartyp, daýlasa bastady. Mazamdy almaýyn suradym. Birneshe sekýndtan soń arqamnan birneshe ret pyshaq saldy. Qan aǵyp, qulap tústim», - delingen jazbada.
Belgili bolǵandai, kúdikti oqiǵa ornynan taiyp turǵan, al jábirlenýshi aýyr halde aýrýhanaǵa jetkizildi.
Qylmys Medeý aýdanyndaǵy dámhanalardyń birinde bolǵan.
«Kúdikti ustaldy. Urys kezinde 2 ret pyshaq salǵan. Bul derek boiynsha sot-meditsinalyq saraptama taǵaiyndaldy. Sonyń nátijesinde keltirilgen jaraqattyń aýyrlyǵy anyqtalyp, quqyqtyq baǵa beriledi», - dedi qalalyq Politsiia departamentiniń resmi ókili Saltanat Ázirbek.
