فوتو: قر مام
2025 جىلعى 12 مامىر كٷنٸ استانادا حالىقارالىق ەرٸكتٸلەر جىلىنا دايىندىق جەنە ٶتكٸزۋ جٶنٸندەگٸ ۇلتتىق ۇيىمداستىرۋ كوميتەتٸنٸڭ العاشقى وتىرىسى ٶتتٸ, دەپ حابارلايدى Ult.kz.
ەسكە سالا كەتەيٸك, قازاقستان رەسپۋبليكاسى پرەزيدەنتٸ قاسىم-جومارت توقاەۆتىڭ باستاماسىمەن بۇۇ باس اسسامبلەياسى 2026 جىلدى تۇراقتى دامۋ ماقساتتارىنداعى حالىقارالىق ۆولونتەرلەر جىلى دەپ جارييالاعان بولاتىن.
اتالعان جيىنعا قر مەدەنيەت جەنە اقپارات مينيسترٸ ايدا بالاەۆا, بۇۇ ەرٸكتٸلەر باعدارلاماسىنىڭ اتقارۋشى ٷيلەستٸرۋشٸسٸ تويلى قۇربانوۆ, مەملەكەتتٸك ورگانداردىڭ, ٷكٸمەتتٸك ەمەس ۇيىمداردىڭ جەنە ۆولونتەرلٸك بٸرلەستٸكتەردٸڭ ٶكٸلدەرٸ قاتىستى.
جيىن بارىسىندا مينيستر ايدا بالاەۆا ەلٸمٸزدەگٸ ۆولونتەرلٸك سالاسىندا اتقارىلىپ جاتقان جۇمىستار مەن وتانداستارىمىزدىڭ جەتٸستٸكتەرٸ جٶنٸندە باياندادى.
"قازاقستاندىقتار ەلەمنٸڭ تٷكپٸر-تٷكپٸرٸندە ەرٸكتٸلٸك جوبالارعا, سونىڭ ٸشٸندە بۇۇ, يۋنيسەف سيياقتى حالىقارالىق ۇيىمداردىڭ باستامالارىنا بەلسەندٸ اتسالىسىپ كەلەدٸ. قازاقستان ٷكٸمەتٸنٸڭ قولداۋىمەن 2020–2023 جىلدار ارالىعىندا توعىز وتانداسىمىز بۇۇ-نىڭ تٷرلٸ قۇرىلىمدارىندا ۆولونتەر رەتٸندە قىزمەت اتقاردى. 2024 جىلى جەتٸ قازاقستاندىق ۆولونتەر بۇۇ-نىڭ كەنييا, تايلاند جەنە تٷركيياداعى اگەنتتٸكتەرٸنە جٸبەرٸلدٸ", – دەدٸ ايدا بالاەۆا.
ۇلتتىق ۇيىمداستىرۋ كوميتەتٸنٸڭ وتىرىسىندا ۆولونتەرلەر قوزعالىسىن دامىتۋعا جەنە ازاماتتىق بەلسەندٸلٸكتٸ ارتتىرۋعا باعىتتالعان ماڭىزدى باستامالار مەن الداعى ٸس-شارالار تالقىلاندى. سپيكەرلەر سونىمەن قاتار ەرٸكتٸلەر جىلىنا دايىندىق بارىسى تۋرالى ايتىپ, جاڭا جوبالارعا قاتىستى ۇسىنىستارىن ورتاعا سالدى.
بۇۇ ەرٸكتٸلەر باعدارلاماسىنىڭ اتقارۋشى ٷيلەستٸرۋشٸسٸ تويلى قۇربانوۆ قازاقستان تاراپىنا حالىقارالىق ەرٸكتٸلەر جىلىن ۇيىمداستىرۋعا بەلسەندٸ كٸرٸسكەنٸ ٷشٸن ريزاشىلىعىن بٸلدٸرٸپ, ەلٸمٸزدٸڭ بۇل باستاماداعى كٶشباسشىلىعىن ەرەكشە اتاپ ٶتتٸ.
"سٸزدەردٸڭ بۇل سالاداعى بەلسەندٸ قىزمەتتەرٸڭٸز ەلٸمٸزدەگٸ ۆولونتەرلٸك مەدەنيەتٸنٸڭ دامۋىنا تىڭ سەرپٸن بەرٸپ قانا قويماي, قازاقستاندى ازاماتتىق باستامالار سالاسىنداعى ماڭىزدى حالىقارالىق سەرٸكتەس رەتٸندە تانىتا بٸلدٸ. بٷگٸن قازاقستان – بۇۇ ەرٸكتٸلەر باعدارلاماسىنا قاتىسۋشى ەل رەتٸندە ٶز پوزيتسيياسىن نىقتاپ, كەلەشەكتە باسقا مەملەكەتتەرمەن جۇمىس بارىسىندا بٸز قازاقستاننىڭ وڭ تەجٸريبەسٸن ٷلگٸ رەتٸندە كەلتٸرەتٸن بولامىز", – دەدٸ تويلى قۇربانوۆ.
وتىرىستا تاعى بٸر ماڭىزدى جاڭالىق – الماتى قالاسىندا بۇۇ ەرٸكتٸلەر قوزعالىسىنىڭ ورتالىق ازيياداعى سۋبٶڭٸرلٸك كەڭسەسٸ اشىلاتىنى جارييا ەتٸلدٸ.
"بٸزدٸڭ ورتاق مٸندەتٸمٸز – مەملەكەتتٸك قۇرىلىمدار, قوعامدىق ۇيىمدار, بٸلٸم بەرۋ مەكەمەلەرٸ مەن بۇقارالىق اقپارات قۇرالدارى بٸرلەسٸپ, ۆولونتەرلٸككە قولداۋ كٶرسەتۋدٸڭ ورنىقتى جٷيەسٸن قالىپتاستىرۋ. بۇل باعىتتاعى جۇمىس بارلىق تاراپتىڭ ٷيلەسٸمدٸ ىنتىماقتاستىعىنا نەگٸزدەلۋٸ تيٸس", – دەپ قورىتىندىلادى ايدا بالاەۆا.
