الماتىدا بۇرىن پوليتسييا قىزمەتكەرٸ بولعان ەر ادامنىڭ قازاسىنا قاتىستى تەرگەۋ جٷرٸپ جاتىر. الدىن الا نۇسقالاردىڭ بٸرٸندە مارقۇمدى ەيەلٸ ٶرتەپ جٸبەرۋٸ مٷمكٸن دەگەن بولجام قاراستىرىلىپ وتىرعانى ايتىلدى, دەپ حابارلايدى ult.kz.
بۇعان دەيٸن مارقۇمنىڭ تۋىستارى وقيعاعا قاتىستى ٶز پٸكٸرٸن بٸلدٸرگەن ەدٸ. ەندٸ كٷدٸككە ٸلٸنگەن ەيەلدٸڭ جاقىندارى دا العاش رەت ٷن قاتىپ, وتباسىنداعى جاعدايعا قاتىستى ٶزدەرٸنە بەلگٸلٸ مەلٸمەتتەردٸ جارييالادى.
كٷدٸكتٸنٸڭ سٸڭلٸسٸ رۋسلان ٶتەپبايعا بەرگەن سۇحباتىندا ەپكەسٸ مەن مارقۇمنىڭ اراسىنداعى قارىم-قاتىناسقا قاتىستى بٸرقاتار جايتتى ايتتى. ونىڭ سٶزٸنشە, ەر ادام ەيەلٸن عانا ەمەس, بالالارىن دا ۇرىپ-سوققان.
«ۇلدارىن تاڭعا دەيٸن ۇرعان. ەيەلٸن دە ۇراتىن. ونى ٶزٸ ۆيدەوعا تٷسٸرٸپ الاتىن بولعان. ونى ەپكەم ايتتى. ەپكەم قانشا كەتٸپ قالسا دا, كٷيەۋٸ كەلٸپ الىپ كەتەتٸن. بٸلمەيمٸن, قورقىتادى ما, نە ٷشٸن كەتەتٸنٸن تٷسٸنبەيتٸنبٸز», – دەدٸ ول.
كٷدٸكتٸنٸڭ تۋىستارى ٸستٸڭ بارلىق مەن-جايى تولىق ەرٸ جان-جاقتى زەرتتەلۋٸ كەرەك دەپ سانايدى. ولار تەرگەۋ اياقتالماي تۇرىپ, وقيعاعا قاتىستى بٸرجاقتى پٸكٸر قالىپتاستىرىپ, اسىعىس قورىتىندى جاساماۋعا شاقىردى.
قازٸرگٸ ۋاقىتتا ٸس بويىنشا تەرگەۋ امالدارى جالعاسىپ جاتىر. وقيعانىڭ ناقتى مەن-جايى مەن كٷدٸكتٸنٸڭ كٸنەسٸ بار-جوعىن قۇقىق قورعاۋ ورگاندارى انىقتايدى.
