الماتىدا يۋۆەنالدى پوليتسييا قىزمەتكەرلەرٸ تەكسەرٸس بارىسىندا تۇرمىسى ناشار وتباسىن انىقتادى. بۇل وتباسىنداعى ٷش جاستاعى بالالار كٸر كيٸممەن, اش كٷيدە تابىلدى, - دەپ حابارلايدى "ۇلت اقپارات" قالالىق ٸٸد-نٸڭ باسپاسٶز قىزمەتٸنە سٸلتەمە جاساپ.
پوليتسييانىڭ مەلٸمەتٸنشە, تۇرمىسى ناشار وتباسى المالى اۋدانىندا تۇرىپ جاتىر. ينسپەكتورلار كەلگەن سەتتە 1978 جىلى تۋعان وتاعاسى تٶسەكتە جاتقان جەنە بٶتەن ادامداردىڭ كەلگەنٸنە ەش ەلەڭ ەتپەگەن. ٸٸد ٶكٸلدەرٸنٸڭ سٶزٸنشە, ول قاتتى ماس بولعان, ال جانىندا قىز جەنە ۇل بالا ويناپ وتىرعان ەكەن. بۇل كەزدە بالالاردىڭ اناسى ٷيدە بولماپتى.
"ٷي اپاتتى جاعدايدا, باراق تەرٸزدٸ. ٷيدە قوقىس شاشىلىپ جاتىر. بالالاردىڭ ٷستٸ كٸر, اش جٷر. 1977 جىلى تۋعان ەيەلدٸڭ, بالالاردىڭ اناسىنىڭ سٶزٸنشە, ول جۇمىستا بولعان. بالالاردىڭ دەنٸ ساۋ كٶرٸنەدٸ, ەكەۋٸ دە ٷش جاستا. بۇل وقيعاعا بايلانىستى قاجەتتٸ شارالار قولعا الىندى. ٶمٸرلەرٸنە قاۋٸپ تٶنٸپ تۇرعاندىقتان د. جەنە ا. ەسٸمدٸ بالالار قالالىق جاسٶسپٸرٸمدەردٸ بەيٸمدەۋ ورتالىعىنا جٸبەرٸلدٸ", - دەيدٸ الماتى ٸٸد-نٸڭ جەرگٸلٸكتٸ پوليتسييا قىزمەتٸ يۋۆەنالدى بٶلٸمٸنٸڭ باسشىسى, پوليتسييا پولكوۆنيگٸ لەيلە ەلٸپباەۆا.
بٶلٸم باسشىسىنىڭ سٶزٸنشە, وتباسى تۇرمىسى ناشار رەتٸندە الدىن الۋ ەسەبٸنە تٸركەلدٸ.
"وتباسى باقىلاۋعا الىندى, نازاردا جٷرەدٸ. اتا-اناسى تٷزەلۋگە ۋەدە ەتتٸ. مۇنداي بولماعان جاعدايدا اتا-انالىق قۇقىنان ايىرۋ مەسەلەسٸن كٶتەرەمٸز. ٶيتكەنٸ مۇنداي تۇرمىس جاعدايى - بالالاردىڭ ٶمٸرٸ ٷشٸن ٷلكەن قاۋٸپ", - دەپ اتاپ ٶتتٸ ەلٸپباەۆا.
يۋۆەنالدى پوليتسييانىڭ بۇل سيياقتى بٸرٸككەن شارالارى بارلىق اۋدانداردا تۇراقتى جٷرگٸزٸلەدٸ, ونىڭ ماقساتى - تۇرمىسى ناشار وتباسىن انىقتاپ, بالالاردىڭ قۇقىعىن قورعاۋ.
