فوتو: قر مەدەنيەت جەنە اقپارات مينيسترلٸگٸ
الماتى قالاسىنىڭ «دوستىق ٷيٸندە» قازاق ەدەبيەتٸنٸڭ قايتالانباس سۋرەتكەرٸ, حالىق جازۋشىسى ەبدٸجەمٸل نۇرپەيٸسوۆتىڭ 100 جىلدىعىنا ارنالعان «ەلەم تانىعان ەبدٸجەمٸل» اتتى حالىقارالىق عىلىمي-تەجٸريبەلٸك كونفەرەنتسييا ٶتتٸ, دەپ حابارلايدى Ult.kz قر مەدەنيەت جەنە اقپارات مينيسترلٸگٸنە سٸلتەمە جاساپ.
ٸس-شاراعا مەملەكەت باسشىسىنىڭ تاپسىرماسى بويىنشا قر مەدەنيەت جەنە اقپارات مينيسترٸ ايدا بالاەۆا قاتىسىپ, پرەزيدەنت قاسىم-جومارت توقاەۆتىڭ قۇتتىقتاۋ حاتىن وقىپ بەردٸ.
«سٶز ٶنەرٸنٸڭ ساردارى سانالى عۇمىرىن ۇلتىنىڭ دٷنيەتانىمىن بايىتۋعا ارنادى. ەدەبيەت ەلەمٸنە قۇبىلىس بولىپ ەنگەن سۇڭعىلا سۋرەتكەر قازاق پروزاسىنا ەرەكشە قولتاڭباسىن قالدىردى. كٶزٸ تٸرٸسٸندە-اق كلاسسيك اتانعان جازۋشى قالامگەرلەردٸڭ جاڭا بۋىنىنا ٷلگٸ-ٶنەگە كٶرسەتٸپ, ٶزٸندٸك مەكتەبٸن قالىپتاستىردى. ەبەڭنٸڭ ەر تۋىندىسىنان تۋعان جەرگە دەگەن ريياسىز سٷيٸسپەنشٸلٸگٸ ايقىن كٶرٸنەدٸ. ونىڭ «قان مەن تەر», «سوڭعى پارىز» سەكٸلدٸ روماندارىن ٶز زامانىنىڭ ايناسى دەۋگە بولادى. ارال ارقىلى قازاقتىڭ, قازاق ارقىلى بارشا ادامزاتتىڭ مەسەلەسٸن كٶتەرگەن بۇل شىعارمالار – ەلەم ٶركەنيەتٸنە قوسىلعان قۇندى قازىنا», – دەلٸنگەن قۇتتىقتاۋ حاتتا.
فوتو: قر مەدەنيەت جەنە اقپارات مينيسترلٸگٸ
ٶز سٶزٸندە ايدا بالاەۆا قالامگەردٸ ەسكە الۋعا ارنالعان ٸس-شارانىڭ ماڭىزىن اتاپ ٶتتٸ.
«پرەزيدەنت اتاپ ٶتكەندەي, ەبدٸجەمٸل نۇرپەيٸسوۆ – قازاق ەدەبيەتٸن ەلەمدٸك دەڭگەيگە كٶتەرگەن تۇلعا. بۇل سٶزٸمٸزگە ونىڭ شەت تٸلدەرگە اۋدارىلعان شىعارمالارى, ەلەم وقىرماندارىنىڭ جوعارى باعاسى دەلەل بولا الادى. بٷگٸنگٸ كونفەرەنتسييا جازۋشىنىڭ شىعارماشىلىعىن جاڭا قىرىنان زەردەلەۋگە جول اشادى دەگەن ٷمٸتتەمٸن», – دەدٸ مينيستر.
سونداي-اق, جازۋشىنىڭ جٷز جىلدىق مەرەيتويىنا وراي ەلٸمٸزدٸڭ بارلىق ٶڭٸرٸندە ٸرگەلٸ ٸس-شارالار, ەدەبي كەشتەر ۇيىمداستىرىلعانىن ايتتى. كەيٸنگٸ ٷش ايدىڭ ٶزٸندە ٶڭٸرلەردە 50-گە تارتا ٸس-شارا ٶتتٸ. باسىلىم بەتتەرٸندە قالامگەردٸڭ ٶمٸرٸ مەن شىعارماشىلىعى تۋرالى 200-دەن استام ماقالا جارىق كٶرٸپ, تەلەارنالاردان «ورىندالماعان امانات», «ابىز عۇمىر» اتتى دەرەكتٸ فيلمدەر جەنە تٷرلٸ سيۋجەتتەر كٶرسەتٸلدٸ.
فوتو: قر مەدەنيەت جەنە اقپارات مينيسترلٸگٸ
حالىقارالىق عىلىمي-پراكتيكالىق كونفەرەنتسيياعا قازاقستان جازۋشىلار وداعىنىڭ تٶراعاسى مەرەكە قۇلكەنوۆ, حالىقارالىق تٷرٸكسوي ۇيىمىنىڭ باس حاتشىسى سۇلتان راەۆ, كٶرنەكتٸ مەملەكەت جەنە قوعام قايراتكەرلەرٸ, اقىن-جازۋشىلار, مەدەنيەت-ٶنەر ٶكٸلدەرٸ قاتىستى.
كونفەرەنتسييا اياسىندا ەبدٸجەمٸل نۇرپەيٸسوۆتٸڭ تۇرعان ٷيٸنە ٸلٸنگەن ەسكەرتكٸش تاقتانىڭ جەنە دوستىق ٷيٸندە فوتوكٶرمەنٸڭ اشىلۋى ٶتتٸ.
