ەل-فارابي اتىنداعى قازۇۋ جەنە ابايدىڭ «جيدەباي-بٶرٸلٸ» مەملەكەتتٸك قورىق-مۋزەيٸنٸڭ ۇيىمداستىرۋىمەن ۋنۆەرسيتەت قابىرعاسىندا ابايدىڭ 175 جىلدىق مەرەيتويىنا ارنالعان «اباي ەلەمٸ» اتتى كٶرمە اشىلدى, دەپ حابارلايدى قازاقپارات.
كٶرمە ەل-فارابي اتىنداعى قازۇۋ-دەگٸ اباي زالىنا قويىلدى. وندا حاكٸم ابايدىڭ شىعارماشىلىعى, ٶسكەن ورتاسى, ٶمٸر سٷرگەن زامانى تۋرالى مەلٸمەتتەر مەن ۇلى اقىن ٶمٸرٸنەن سىر شەرتەتٸن اسا باعالى اقپاراتتار بار.
سونىمەن قاتار, كٶرەرمەندەر نازارىنا 1885 جىلى تاريحي ٶلكەتانۋ مۋزەيٸنە اباي قۇنانبايۇلىنىڭ ٶز قولىمەن تابىستاعان اسا قۇندى جەدٸگەرلەرٸ ۇسىنىلدى. اباي مۋزەيٸنٸڭ قورىنداعى اقىننىڭ تٷپنۇسقا ەكٸ فوتوسۋرەتٸن, ارحيۆتٸك قۇجاتتار مەن قولجازبالارىن تاماشالاۋعا بولادى.
«بٷگٸنگٸ تاڭدا مۋزەيدٸڭ نەگٸزگٸ قورىندا 11 مىڭنان اسا ەكسپونات بار. سولاردىڭ اراسىندا ابايدىڭ بەينەسٸ بار ەكٸ فوتوسۋرەت, پ.د.لوبانوۆسكييدٸڭ اقىننىڭ كٶزٸ تٸرٸسٸندە قارىنداشپەن سالعان پورترەتٸ, ابايدىڭ 1896 جىلى ۇلى ماعاۋيياعا جازعان حاتى, 1885 جىلى ن.ي.دولگوپولوۆ ارقىلى سەمەيدەگٸ ٶلكەتانۋ مۋزەيٸنە تاپسىرعان زاتتار, مەسكەۋ, لەنينگراد, ومبى, توم, قازان قالالارىنىڭ جەنە قازاقستان مۇراعاتتارىنان تابىلعان ابايدىڭ ٶمٸرٸ, اتقارعان قىزمەتٸ, تۋىستارى مەن زامانداستارىنا قاتىستى ارحيۆ دەرەكتەرٸ, اباي وقىعان مەدرەسەنٸڭ اراب, تٷرٸك, شاعاتاي تٸلدەرٸندەگٸ كٸتاپتارى مۋزەيدٸڭ باعا جەتپەس قۇندى دٷنيەسٸ», - دەيدٸ ابايدىڭ «جيدەباي– بٶرٸلٸ» مەملەكەتتٸك قورىق-مۋزەيٸنٸڭ عىلىمي حاتشىسى راۋشان ەلەكەنوۆا.
ۇيىمداستىرۋشىلاردىڭ ايتۋىنشا, كٶرمەنٸڭ باستى ماقساتى – ابايدىڭ دٷنيەتانىمىن جەنە ونىڭ رۋحاني مۇراسىن جاستارعا كەڭٸنەن ناسيحاتتاۋ.
