«كەلەشەك مەكتەپتەرٸ» ۇلتتىق جوباسى اياسىندا بٸر وقۋ جىلى ٸشٸندە 13 جاڭا مەكتەپ پايدالانۋعا بەرٸلدٸ, دەپ حابارلايدى ult.kz.
بۇل وقۋشىلارعا ارنالعان ورىن تاپشىلىعىن ەدەۋٸر ازايتىپ, بالالاردىڭ بٸلٸم الۋ جاعدايىن جاقسارتۋعا مٷمكٸندٸك بەردٸ.
قوسىمشا 10 500 ورىندىق تاعى 7 مەكتەپتٸڭ قۇرىلىسى اياقتالدى. قازٸرگٸ ۋاقىتتا ولاردى بٸلٸم بەرۋ جٷيەسٸنە بەرۋ رەسٸمٸ جٷرگٸزٸلۋدە. سونداي-اق, جەرگٸلٸكتٸ بيۋدجەت قاراجاتى ەسەبٸنەن زەردەلٸ شاعىناۋدانىندا 550 ورىندىق مەكتەپ سالىندى.
1 قىركٷيەككە دەيٸن جالپى سىيىمدىلىعى 11 مىڭنان استام وقۋشى ورنى بار 8 جاڭا مەكتەپتٸ اشۋ جوسپارلانىپ وتىر.
سونىمەن قاتار قولدانىستاعى بٸلٸم بەرۋ مەكەمەلەرٸن جاڭعىرتۋ جۇمىستارى قولعا الىنعان. 2025-2027 جىلدار ارالىعىندا قالاداعى 26 مەكتەپتە كەشەندٸ كٷردەلٸ جٶندەۋ جۇمىستارى ٶتەدٸ. بيىل №50 جەنە №73 مەكتەپتەر تولىق جاڭارتۋدان ٶتتٸ, ال تاعى 11 مەكتەپتە جٶندەۋ جۇمىستارى جوسپارلانعان.
سونداي-اق, بيىل الماتىداعى 227 مەملەكەتتٸك مەكتەپتٸڭ 159-ىندا اعىمداعى جٶندەۋ جۇمىستارى جٷرگٸزٸلەدٸ.
