«Keleshek mektepteri» ulttyq jobasy aiasynda bir oqý jyly ishinde 13 jańa mektep paidalanýǵa berildi, dep habarlaidy ult.kz.
Bul oqýshylarǵa arnalǵan oryn tapshylyǵyn edáýir azaityp, balalardyń bilim alý jaǵdaiyn jaqsartýǵa múmkindik berdi.
Qosymsha 10 500 oryndyq taǵy 7 mekteptiń qurylysy aiaqtaldy. Qazirgi ýaqytta olardy bilim berý júiesine berý rásimi júrgizilýde. Sondai-aq, jergilikti biýdjet qarajaty esebinen Zerdeli shaǵynaýdanynda 550 oryndyq mektep salyndy.
1 qyrkúiekke deiin jalpy syiymdylyǵy 11 myńnan astam oqýshy orny bar 8 jańa mektepti ashý josparlanyp otyr.
Sonymen qatar qoldanystaǵy bilim berý mekemelerin jańǵyrtý jumystary qolǵa alynǵan. 2025-2027 jyldar aralyǵynda qaladaǵy 26 mektepte keshendi kúrdeli jóndeý jumystary ótedi. Biyl №50 jáne №73 mektepter tolyq jańartýdan ótti, al taǵy 11 mektepte jóndeý jumystary josparlanǵan.
Sondai-aq, biyl Almatydaǵy 227 memlekettik mekteptiń 159-ynda aǵymdaǵy jóndeý jumystary júrgiziledi.
