الماتىدا بٸر اپتا بۇرىن ٸز-تٷزسٸز جوعالعان بويجەتكەن زورلىق-زومبىلىقپەن ٶلتٸرٸلگەنٸ انىقتالدى. بۇل تۋرالى الماتى قالالىق پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
1999 جىلى تۋعان الماتى وبلىسى قاراساي اۋدانىنىڭ تۇرعىنى ۆ.پوگرەبنياكتىڭ ٸز-تٷزسٸز جوعالعانى جايلى اقپارات پوليتسيياعا 25 قاڭتاردا تٷسكەن.
«تەرگەۋ شەڭبەرٸندە جەدەل-تەرگەۋ توبى قىزدىڭ قايدا ەكەنٸن انىقتاۋعا باعىتتالعان بٸرقاتار شارا ٶتكٸزدٸ. سونىمەن قاتار, ۆ.پوگرەبنياكتىڭ جوعالعانعا دەيٸن قاسىندا بولعان دوسى - 2000 جىلى تۋعان ازامات ب.-دان جاۋاپ الىندى. ونىڭ جاۋابى ٶزگە مەلٸمەتتەرمەن سەيكەس كەلمەدٸ», - دەلٸنگەن پوليتسييا دەپارتامەنتٸنٸڭ مەلٸمەتٸندە.
انىقتالعانداي, قىزدىڭ جوعالۋىنا ازامات ب.-نىڭ قاتىسى بار بولىپ شىققان. ول تەرگەۋ بارىسىندا بويجەتكەندٸ ٶلتٸرگەنٸن مويىنداپ, ونىڭ دەنەسٸن جاسىرعان ورىندى كٶرسەتكەن.
«بەلگٸلٸ بولعانداي, ب. ٶزٸنٸڭ جٷرٸپ جٷرگەن قىزىن, ٶزدەرٸ تۇراتىن اۋىلدىڭ جانىندا ٶلتٸرگەن. سەبەپ - قىزعانىشتا. ب.-نىڭ جاۋابىنا سٷيەنسەك, اۋىلدان شىعا بەرٸستە ولاردىڭ اراسىندا ۇرىس بولعان. سالدارىنان ول ۆالەرييانى ٶلتٸرگەن. قىلمىس ٸزٸن جاسىرۋ ٷشٸن جاس جٸگٸت قىزدىڭ دەنەسٸن كٶمٸپ تاستاعان. ٶزٸنٸڭ قىلمىستىق پيعىلىن جالعاستىرىپ, ۆالەرييانىڭ اتا-اناسىنا ٶتٸرٸك ايتقان. ياعني, ۆالەرييا قالاعا اپارىپ تاستاۋىن ٶتٸنٸپ, كەيٸن ەش سەبەپسٸز كەتٸپ قالعانى تۋرالى اتا-اناسىنا جالعان اقپارات بەرگەن», - دەلٸنگەن حابارلامادا.
ەۋەزوۆ اۋدانىنىڭ پوليتسييا باسقارماسى بۇعان دەيٸن قوزعالعان ٸستٸ «ادام ٶلتٸرۋ» بابىنا قايتا ٶزگەرتتٸ. كٷدٸكتٸ جٸگٸت قاماۋعا الىندى.
