الماتى تٷبٸندە 2017 جىلدىڭ كٷزٸندە بولعان ان-28 ۇشاعىنىڭ اپاتى تۋرالى ٸس بويىنشا اپەللياتسييالىق سوت قاۋلىسى جارييالاندى, - دەپ حابارلايدى Tengrinews.kz.
سوت شەشٸمٸنە سەيكەس East Wing ەۋەكومپانيياسىنىڭ ديرەكتورى ۆيتاليي ماساليتين الماتى ماڭىنداعى ەۋە اپاتىندا كٸنەسٸز دەپ تانىلدى.
"ساراپتاما قورىتىندىسىنا سەيكەس, ان-28 كابيناسى شامىنىڭ فراگمەنتتەرٸندە زاقىم بار. وڭ جاقتاعى الدىڭعى جەنە بٷيٸر تەرەزە جاقتاۋى قيراعان. بۇلار ەۋە كەمەسٸ قۇلاعانعا دەيٸن پايدا بولعان. بەلگٸسٸز, قاتتى نىساننىڭ ەسەرٸ بولعان. ونىڭ ماسساسى - شامامەن 1,1 كەلٸ.
قالعان زاقىمدار (ۇشقىشتار كابيناسىنىڭ كورپۋسىنداعى جەنە فيۋزەلياجداعى سىنىقتار) ەۋە كەمەسٸ قۇلاعاننان كەيٸن پايدا بولعان", - دەلٸنگەن قۇجاتتا.
ان-28 ۇشىپ بارا جاتقاندا الدىڭعى جەنە بٷيٸر تەرەزە جاقتاۋلارىنىڭ تٸرەگٸ بٷلٸنگەننەن كەيٸن ونى جەل بۇزىپ شىققانى اتاپ ٶتٸلدٸ. ونىڭ جىلدامدىعى 289 شاقىرىم, اۋا اعىنىنىڭ قىسىمى بٸر شارشى سانتيمەترگە شامامەن 0,5 كەلٸ نەمەسە 30-50 كيلوپاسكال بولعان.
"شامادان تىس قىسىمدا ەكپٸندٸ تولقىن ەسەرٸنەن ۇشقىشتاردىڭ ميى ورتاشا سٸلكٸنۋٸ مٷمكٸن ەدٸ. بۇل ونداعان سەكۋندتان جارتى ساعاتقا دەيٸن نەمەسە ودان دا كٶپ ۋاقىتقا ەسەڭگٸرەتۋٸ مٷمكٸن. مۇنداي جاعدايدىڭ سالدارى ۇشاقتى تٸزگٸننەن شىعارىپ الۋعا, باعىت, بيٸكتٸك پەن جىلدامدىقتىڭ ٶزگەرۋٸنە ەكەلۋٸ مٷمكٸن.
ٸس بويىنشا ناقتى دەرەكتەر, اتاپ ايتقاندا ەۋەكومپانييا قىزمەتكەرلەرٸنٸڭ كۋەگەرلٸك ايعاقتارى, مامانداردىڭ, سوت ساراپشىلارىنىڭ قورىتىندىلارى جەنە ولاردىڭ سوتتاعى ايعاقتارى, وقيعا بولعان جەردٸ تەكسەرۋ نەتيجەلەرٸ, ۇشاقتىڭ اپاتقا ۇشىراۋىنىڭ انىقتالعان مەن-جايلارى مەن باسقا دا دەرەكتەر ەۋەكومپانييا باسشىلىعىنىڭ كٸنەسٸنەن ەۋە كەمەسٸنٸڭ اپاتقا ۇشىراۋىنىڭ تەحنيكالىق سەبەبٸ جەنە ۇشقىشتاردىڭ قاتەلٸگٸ تۋرالى ايىپتاۋ نۇسقاسىن راستامايدى", - دەلٸنگەن ساراپتاما نەتيجەسٸندە.
ەسكە سالايىق, 2017 جىلدىڭ 3 قازانىندا الماتى ماڭىندا ان-8 ۇشاعى اپاتقا ۇشىراعان ەدٸ. الماتىدان ۇشقاننان كەيٸن 12 مينۋتتان سوڭ East Wing ەۋە كومپانيياسىنىڭ ان-28 ۇشاعى راداردان جوعالىپ كەتكەن بولاتىن.
بورتتا بەس ادام بولعان. ۇشاق اپاتىنان پروفەسسور, دەرٸگەر, اكۋشەر-گينەكولوگ تالعات پاتساەۆ پەن پروفەسسور, دەرٸگەر-رەانيماتولوگ جەنٸبەك ارتىقباەۆ, كوماندير گەنناديي تسوي, ەكٸنشٸ ۇشقىش ەۆگەنيي كۋتافين, بورتينجەنەر بەيشەنبەك اقماتباەۆ قازا تاپتى.
