الماتى وبلىسىنىڭ كٶكسۋ اۋدانىندا جەراستى سۋلارى كٶتەرٸلٸپ جاتىر. بۇل تۋرالى ٶڭٸر باسشىسى اماندىق باتالوۆتىڭ ەسەپتٸ كەزدەسۋٸندە اۋدان شارۋالارى جەتكٸزدٸ, دەپ حابارلايدى "ۇلت اقپارات".
كٶكسۋ اۋدانىندا جەراستى سۋلارى كٶتەرٸلٸپ, ەگٸس القاپتارىن جيٸ باسىپ قالۋدا.
«كٶكسۋ اۋدانى بويىنشا 196 شاقىرىمدى قۇرايتىن 34 درەناج كانالى بار. وسى كانالدىڭ جاعدايى ٶتە ناشار. 30 جىلدان استام ۋاقىت تازالانباعان. سالدارىنان ەگٸستٸك جەرلەردە جەراستى سۋلارى كٶتەرٸلٸپ, تۇزدانىپ, قامىس باسىپ جاتىر», - دەدٸ ەسەپتٸك كەزدەسۋدە شارۋا قوجالىعىنىڭ جەتەكشٸسٸ سەكەنباي شەڭگەلباەۆ.
شارۋا درەناجدى قازۋ جۇمىستارىنىڭ جوبالىق-سمەتالىق قۇجاتتارىنىڭ دايىن ەكەنٸن جەتكٸزٸپ, اماندىق باتالوۆتان قارجى بٶلۋگە ىقپال ەتۋدٸ سۇرادى. وبلىس ەكٸمٸ بۇل مەسەلە نازاردا ەكەنٸن ايتىپ, بيىلعى جىلدىڭ بيۋدجەتٸن ناقتىلاۋ بارىسىندا درەناجدى ارىقتار قازۋعا قارجى قاراستىرىلاتىنىن اتاپ ٶتتٸ.
«سۋارمالى جەرلەردٸڭ بەرٸن قالپىنا كەلتٸرۋگە 200 ملن تەڭگە بٶلٸپ بەرەمٸز. بۇل مەسەلەنٸ جاقسى بٸلەمٸز. جۇمىس جاساپ جاتىرمىز», - دەدٸ اماندىق باتالوۆ.
