Citic Construction كەسٸپورنىندا زاڭسىز جۇمىس ٸستەيتٸن شەتەلدٸك ازاماتتار تەكسەرٸستەن كەيٸن دەپورتاتسييالاندى, دەپ حابارلادى الماتى وبلىستىق سوتىنىڭ باسپاسٶز قىزمەتٸ.
تالدىقورعان مامانداندىرىلعان ەكٸمشٸلٸك سوتى, سونداي-اق اقسۋ اۋداندىق سوتى ەكٸمشٸلٸك قۇقىق بۇزۋشىلىق تۋرالى كودەكستٸڭ 517-بابىنىڭ 2-بٶلٸگٸ (شەتەلدٸكتەردٸڭ نەمەسە ازاماتتىعى جوق ادامداردىڭ حالىقتىڭ كٶشٸ-قونى تۋرالى زاڭنامانى بۇزۋى) بويىنشا 70 قىتاي ازاماتىنا قاتىستى قوزعالعان ەكٸمشٸلٸك ٸستٸ قارادى.
ۆەدومستۆونىڭ حابارلاۋىنشا, 9 قازانداعى سوت شەشٸمدەرٸمەن قحر-نىڭ بارلىق 70 ازاماتى كٸنەلٸ دەپ تانىلىپ, ولارعا ەلدەن شىعارۋ تٷرٸندە ەكٸمشٸلٸك جازا قولدانىلدى.
سوت اكتٸلەرٸ كٷشٸنە ەندٸ, شەت مەملەكەتتٸڭ ازاماتتارى قازاقستان اۋماعىنان شىعارىلدى.
ەسكە سالا كەتەيٸك, قازان ايىنىڭ باسىندا تالدىقورعان ماڭىندا جول قۇرىلىسىمەن اينالىساتىن كەسٸپورىندا شەتەلدٸك جۇمىسشىلار مەن جەرگٸلٸكتٸ تۇرعىندار اراسىندا جانجال شىققان. Citic Construction كەسٸپورنىنىڭ بٸر توپ جۇمىسشىسى ۆيدەوٷندەۋ جازعان. وندا قحر-نىڭ ٷش ازاماتى جٷرگٸزۋشٸ – ەتنيكالىق قازاقتى سوققىعا جىققانى ايتىلادى.
پوليتسييانىڭ مەلٸمەتٸنشە, جانجال تٶرت جۇمىسشى – قىتاي ازاماتتارى اراسىندا بولىپ, سوڭى تٶبەلەسكە ۇلاسقان. تٶبەلەس سالدارىنان ولاردىڭ بٸرٸ – ەتنيكالىق قازاق جاراقات العان. كٸنەلٸلەر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 73-1 بابى بويىنشا (دەنساۋلىققا قاساقانا جەڭٸل زييان كەلتٸرۋ) ەكٸمشٸلٸك جاۋاپكەرشٸلٸككە تارتىلدى.
ەكٸنشٸ كٷنٸ بٸر توپ جەرگٸلٸكتٸ تۇرعىن جانجالدىڭ مەنٸن تٷسٸنبەي, كەسٸپورىن اۋماعىندا بولعان بٸرنەشە شەتەلدٸك جۇمىسشىنى ۇرىپ-سوققان. سالدارىنان تٶرت قىتاي ازاماتى جاراقات الىپ, اۋرۋحاناعا جەتكٸزٸلدٸ.
جاپپاي تٶبەلەستەن كەيٸن قۇقىق قورعاۋ ورگاندارى تەكسەرٸس جٷرگٸزٸپ, زاڭسىز جۇمىس ٸستەيتٸن 70 شەتەلدٸك جۇمىسشىنى انىقتادى.
