الماتى وبلىسىنىڭ پوليتسەيلەرٸ قىتايدىڭ كەسٸپورنىنا قارۋلى شابۋىل جاساعان قىلمىستىق توپتى ۇستادى, دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
10 قازان, جۇما كٷنٸ تاڭەرتەڭ ماسكا كيگەن بەلگٸسٸز بٸرەۋلەر ٸلە اۋدانى ٶتەگەن باتىر اۋىلىنداعى كەسٸپورىنعا شابۋىل جاساعان. ولار 37 جاستاعى ەسەپشٸ – قىتايدىڭ ازاماتىن سوققىعا جىعىپ, پىشاقپەن قورقىتىپ, 3 ميلليون 200 مىڭ تەڭگە اقشانى قولدى ەتكەن.
"تەۋلٸك بويى ٸلە اۋدانى مەن وبلىستىق پوليتسييا قىزمەتكەرلەرٸ بٸرلەسە, التى كٷدٸكتٸنٸ انىقتادى. ولاردىڭ ەكەۋٸ – 1995 جەنە 1996, ال تٶرتەۋٸ 2000 جىلى تۋعان. الماتى قالاسى, الماتى جەنە جامبىل وبلىسىنىڭ تۇرعىندارى. پىشاق پەن اقشانىڭ بٸر بٶلٸگٸ قىلمىستىق تەرگەۋ ماتەريالى رەتٸندە قاراستىرىلادى", - دەپ حابارلادى الماتى وبلىسى پوليتسيياسىنىڭ باسپاسٶز قىزمەتٸ.
قىلمىستىق كودەكستٸڭ 192-بابى 3-بٶلٸگٸنە ("قاراقشىلىق") سەيكەس, سوتقا دەيٸنگٸ تەرگەۋ باستالدى. كٷدٸكتٸلەر ۋاقىتشا ۇستاۋ يزولياتورىنا قامالدى.
پوليتسيياداعىلار قىلمىستىق توپتىڭ ەربٸر مٷشەسٸنٸڭ ٶزٸنٸڭ رٶلٸ بولعانىن ايتتى. بٸرەۋٸ سول كەسٸپورىندا جۇمىس ٸستەگەن. ەكٸنشٸسٸ كٶلٸكتە كٷتكەن, ال ٶزگەلەرٸ شابۋىل جاساعان. قازٸرگٸ ۋاقىتتا كٷدٸكتٸلەردٸڭ ٶزگە قىلمىسقا قاتىسى تەكسەرٸلٸپ جاتىر.
