الماتى وبلىسىندا تٶتەنشە جاعداي تەرتٸبٸن ساقتاماعان جەكە جەنە لاۋازىمدى تۇلعالار جاۋاپكەرشٸلٸككە تارتىلدى, دەپ حابارلايدى "ۇلت اقپارات".
الماتى وبلىسىنىڭ تەرتٸپ ساقشىلارى تاڭعا جاقىن, قاراڭعىلىقتى پايدالانىپ ساعات 04:00-دەر شاماسىندا كارانتينگە جابىلعان الماتى قالاسىنىڭ اۋماعىنا زاڭسىز ٶتپەك بولعان ٸلە اۋدانىنىڭ 30 جاستاعى تۇرعىنىن ۇستادى. وعان قاتىستى قر ەقبك-نٸڭ 476-بابىنا سەيكەس ەكٸمشٸلٸك حاتتاما تولتىرىلىپ, سوت شەشٸمٸمەن 10 تەۋلٸككە قامالدى.
سونىمەن قاتار, تەرتٸپ ساقشىلارى تٶتەنشە جاعداي كەزٸندە قويىلعان شەكتەۋگە قاراماي, كەسٸبٸن جٷرگٸزگەن تۇرعىنداردى جاۋاپقا تارتتى.
وبلىس ورتالىعىندا لوتورەيا كلۋبى جۇمىسىن توقتاتپاعان 27 جاستاعى تۇرعىنعا ەكٸمشٸلٸك حاتتاما تولتىرىلدى. سونداي-اق, كارانتين ۋاقىتىندا ساعات 20:00-دەن كەيٸن ساۋداعا تىيىم سالىنسا دا, جابىلماعان 4 ساۋدا ورنى انىقتالدى. ال, ەڭبەكشٸقازاق اۋدانىنىڭ 41 تۇرعىنىنا كارانتين تەرتٸبٸن بۇزىپ, ٷيٸنەن كەتٸپ قالعانى ٷشٸن 10 اەك مٶلشەرٸندە ايىپپۇل سالىندى.
ٶز كەزەگٸندە, وبلىستىق پوليتسەيلەر كارانتين ۋاقىتىندا تەرتٸپتٸ, سانيتارلىق تالاپتى قاتاڭ ساقتاۋعا شاقىرادى. كوروناۆيرۋس ٸندەتٸنٸڭ جاپپاي تارالۋىنىڭ الدىن الۋ ماقساتىندا وبلىستاعى بارلىق قالا-اۋدانداردا سانيتارلىق بەكەت قويىلۋىنا بايلانىستى ساقتىق شارالارىنا تٷسٸنٸستٸكپەن قاراپ, تالاپتى ورىنداۋ قاجەتتٸلٸگٸن ەسكەرتەدٸ.
