الماتى وبلىسىنىڭ بورالداي كەنتٸندەگٸ «الاتاۋ» بازارىندا ورنالاسقان «Sushi Time» دەمحاناسى جاپپاي ۋلانۋ وقيعاسىنان كەيٸن ۋاقىتشا جابىلدى, دەپ حابارلايدى ult.kz.
ٸلە اۋداندىق سانيتارييالىق-ەپيدەميولوگييالىق باقىلاۋ باسقارماسىنىڭ مەلٸمەتٸنشە, تاعامنان ۋلانۋ بەلگٸلەرٸمەن 19 ادام اۋرۋحاناعا جەتكٸزٸلگەن. الدىن الا دەرەكتەر بويىنشا, ولاردىڭ بارلىعى اتالعان دەمحانادان تاماقتانعان.
ۆەدومستۆونىڭ حابارلاۋىنشا, العاشقى شاعىمدار تٷسكەن سەتتەن باستاپ جاعدايعا دەنساۋلىق ساقتاۋ ورگاندارى مەن جەرگٸلٸكتٸ اتقارۋشى بيلٸك ٶكٸلدەرٸ ارالاسقان. قازٸر سانيتارييالىق-ەپيدەميولوگييالىق باقىلاۋ باسقارماسى تەكسەرۋ جٷرگٸزٸپ جاتىر.
ماماندار زەرتحانالىق ساراپتاما ٷشٸن تاعام ٶنٸمدەرٸنەن سىناما الىپ, قاجەتتٸ ماتەريالداردى ۋەكٸلەتتٸ ورگاندارعا جولداعان. وقيعانىڭ ناقتى سەبەبٸ زەرتتەۋ نەتيجەلەرٸ شىققاننان كەيٸن بەلگٸلٸ بولادى.
سونداي-اق سانيتارييالىق دەرٸگەرلەر تۇرعىنداردى تاعامنان ۋلانۋدىڭ العاشقى بەلگٸلەرٸ – قۇسۋ, ٸش ٶتۋ, دەنە قىزۋىنىڭ كٶتەرٸلۋٸ بايقالعان جاعدايدا دەرەۋ دەرٸگەرگە قارالۋعا شاقىردى. ماماندار مۇنداي كەزدە ٶز بەتٸنشە ەمدەلۋدٸڭ قاۋٸپتٸ ەكەنٸن ەسكەرتتٸ.
ەسكە سالا كەتەيٸك, بۇعان دەيٸن ماماندار تاعامنان ۋلانۋ قاۋپٸ جوعارى ٶنٸمدەر تۋرالى تٷسٸنٸكتەمە بەرگەن بولاتىن.
