Almaty oblysynyń Boraldai kentindegi «Alataý» bazarynda ornalasqan «Sushi Time» dámhanasy jappai ýlaný oqiǵasynan keiin ýaqytsha jabyldy, dep habarlaidy ult.kz.
Ile aýdandyq sanitariialyq-epidemiologiialyq baqylaý basqarmasynyń málimetinshe, taǵamnan ýlaný belgilerimen 19 adam aýrýhanaǵa jetkizilgen. Aldyn ala derekter boiynsha, olardyń barlyǵy atalǵan dámhanadan tamaqtanǵan.
Vedomstvonyń habarlaýynsha, alǵashqy shaǵymdar túsken sátten bastap jaǵdaiǵa densaýlyq saqtaý organdary men jergilikti atqarýshy bilik ókilderi aralasqan. Qazir sanitariialyq-epidemiologiialyq baqylaý basqarmasy tekserý júrgizip jatyr.
Mamandar zerthanalyq saraptama úshin taǵam ónimderinen synama alyp, qajetti materialdardy ýákiletti organdarǵa joldaǵan. Oqiǵanyń naqty sebebi zertteý nátijeleri shyqqannan keiin belgili bolady.
Sondai-aq sanitariialyq dárigerler turǵyndardy taǵamnan ýlanýdyń alǵashqy belgileri – qusý, ish ótý, dene qyzýynyń kóterilýi baiqalǵan jaǵdaida dereý dárigerge qaralýǵa shaqyrdy. Mamandar mundai kezde óz betinshe emdelýdiń qaýipti ekenin eskertti.
Eske sala keteiik, buǵan deiin mamandar taǵamnan ýlaný qaýpi joǵary ónimder týraly túsinikteme bergen bolatyn.
