الماتى وبلىسىندا مەملەكەت باسشىسى قاسىم-جومارت توقاەۆتىڭ جۋىردا جاساعان ٷندەۋٸندە بەرگەن تاپسىرمالارىن جٷزەگە اسىرۋ باعىتىنداعى جۇمىستار باستالدى. بۇل تۋرالى بٷگٸن وبلىس ەكٸمٸ اماندىق باتالوۆتىڭ تٶراعالىعىمەن ٶتكەن سەلەكتورلىق جيىندا بەلگٸلٸ بولدى, دەپ حابارلايدى ٶڭٸر باسشىسىنىڭ باسپاسٶز قىزمەتٸ.
- كٷنٸ كەشە عانا بەرٸمٸز پرەزيدەنتٸمٸز قاسىم-جومارت توقاەۆتىڭ سٶيلەگەن سٶزٸن ىقىلاس قويىپ تىڭدادىق. ٶڭٸرگە, سونىڭ ٸشٸندە ەڭ باستىسى حالىققا وسى قيىن كەزەڭنەن قىسىلماي شىعۋعا ناقتى كٶمەك پەن قولداۋ كٶرسەتۋ ماقساتىندا كٶپتەگەن شەشٸمدەر قابىلدانىپ, ناقتى تاپسىرمالار بەرٸلدٸ. قازٸر سول بەرٸلگەن تاپسىرمالاردىڭ بٸزدٸڭ ٶڭٸردەگٸ جەرگٸلٸكتٸ جەرلەردە ساپالى ورىندالۋى اسا ماڭىزدى. ەلٸمٸزدە جارييالانعان تٶتەنشە جاعداي كەزٸندە وبلىستا قابىلدانعان شارالار تۋرالى حالىققا كەڭٸنەن تٷسٸندٸرۋ كەرەك. قابىلدانعان شارالاردىڭ بارلىعى دا وبلىس حالقىنىڭ دەنساۋلىعى مەن ٶمٸرٸن ساقتاۋعا, قاۋٸپتٸ كوروناۆيرۋس ينفەكتسيياسىنىڭ تارالۋىن توقتاتۋعا باعىتتالىپ وتىرعانىن ەربٸر تۇرعىنعا ۇعىنىقتى جەتكٸزۋ كەرەك, - دەدٸ جيىندى اشقان ا.باتالوۆ.
ٶز سٶزٸندە وبلىس ەكٸمٸ «جۇمىسپەن قامتۋ جول كارتاسى» شەڭبەرٸندە ٸسكە اسىرىلىپ جاتقان جوبالارعا توقتالدى.
- بٸرلەسكەن جۇمىسىمىزدىڭ ارقاسىندا «جۇمىسپەن قامتۋ جول كارتاسى» اياسىندا جٷزەگە اسىرۋدى جوسپارلاعان جوبالاردىڭ بارلىعى دا قولداۋعا يە بولدى. ٶڭٸرگە 109,2 ملرد. تەڭگە بٶلٸندٸ. بۇل ٶتە اۋقىمدى قارجى, ونى تيٸمدٸ يگەرۋٸمٸز كەرەك. تٷرلٸ جوبالار جوسپارلانعان اۋداندار مەن قالالاردىڭ ەكٸمدەرٸ سول جوبالاردىڭ ٸسكە اسىرىلۋىنا دەربەس جاۋاپ بەرەتٸن بولادى. مىسالى, وسى قارجىنىڭ ەسەبٸنەن بٸز 7 مەكتەپ سالۋدى جوسپارلاپ وتىرمىز, سونىڭ 6-ۋى ەرقايسىسى 1500 ورىندىق جەنە 1 مەكتەپ 1200 ورىندىق بولادى. وعان قوسا 5 اۋرۋحانا سالامىز. دەگەنمەن بٸزدٸڭ باستى مٸندەتٸمٸز – باعدارلامامەن ٶزٸن ٶزٸ جۇمىسپەن قامتىعانداردى جەنە جۇمىسسىز قالعان ازاماتتاردى قامتۋ. سوندىقتان دا مەملەكەت ٶز ازاماتتارىنا كٶمەكتەسٸپ, قولداۋ كٶرسەتۋ ٷشٸن قاجەتتٸ قارجىنى بٶلٸپ وتىر بۇل - «جۇمىسپەن قامتۋ جول كارتاسىنىڭ» نەگٸزگٸ ماقساتى, - دەپ اتاپ ٶتتٸ ا. باتالوۆ.
ەڭبەكاقىنى تۇراقتى بەرۋ مەسەلەسٸ دە نازاردان تىس قالعان جوق:
«اۋدان, قالا ەكٸمدەرٸ ەش جەردە جالاقى قارىزىنىڭ بولماۋىن باقىلاۋدا ۇستاسىن. انىقتالعان فاكتٸلەر بويىنشا بٸرٸنشٸ ورىنباسارىم لاززات تۇرلاشوۆپەن بٸرگە بٷگٸن ناقتى شارالار قابىلداپ, ماعان ەسەپ بەرۋدٸ تاپسىرامىن. بۇل رەتتە بارلىق ٸرٸ جەنە ورتا كەسٸپورىنداردىڭ جۇمىسى توقتاماۋى تيٸس جەنە دە ولار ٶنٸم كٶلەمٸن ازايتپاۋى كەرەك. ەڭ باستىسى, كەسٸپورىنداردىڭ باسشىلارىمەن بٸرلەسٸپ, جۇمىسشىلاردىڭ سول كەسٸپورىننان ارى-بەرٸ شىقپاي جۇمىس ٸستەۋٸنە, وبلىستىڭ مەملەكەتتٸك باس سانيتار دەرٸگەرٸنٸڭ قاۋلىسىندا ايتىلعان بارلىق ۇيعارىمداردىڭ ساقتالۋىنا جاعداي جاسادىق», - دەدٸ ا.باتالوۆ.
جيىندا قازٸرگٸ كەزەڭدەگٸ ازىق-تٷلٸك قاۋٸپسٸزدٸگٸ, ەلەۋمەتتٸك ماڭىزدى تاۋارلاردىڭ باعاسىن تۇراقتاندىرۋ, حالىقتى مەديتسينالىق ماسكالارمەن قامتاماسىز ەتۋ مەسەلەلەرٸ دە كٷن تەرتٸبٸنە قويىلىپ, ناقتى مٸندەتتەر بەلگٸلەندٸ.
- بۇل جۇمىستى كەشەندٸ تٷردە شەشٸپ, حالىقتى جەكە گيگيەنالىق قۇرالدارمەن قامتاماسىز ەتۋلەرٸڭ كەرەك. ونى كٶشەدە ەرٸكتٸلەر تەگٸن تاراتسىن, شاعىن جەنە ورتا بيزنەس نىساندارىنا مەملەكەتتٸك تاپسىرىس بەرۋ ارقىلى كەلٸسٸم جاساڭدار. تاعى دا قايتالاپ ايتامىن, جۇمىستىڭ نەتيجەلٸ بولۋى ەرقايسىلارىڭنىڭ بۇل ٸسكە قانشالىقتى جاۋاپتىلىقپەن قارايتىندارىڭا بايلانىستى. مەملەكەت تاراپىنان وسىنداي اۋقىمدى قولداۋلار جاسالىپ جاتقاندا, قويىلعان مٸندەتتەردٸڭ بارلىعى ٶز دەڭگەيٸندە ورىندالۋى تيٸس. بٶلٸنگەن قارجىنىڭ بەرٸ ورنىمەن, تيٸمدٸ جۇمسالۋى اسا ماڭىزدى. ونىڭ نەتيجەسٸندە ەڭبەككە قابٸلەتتٸ ازاماتتار تۇراقى جۇمىس ورىندارىمەن قامتىلىپ, وبلىستىڭ ينفراقۇرىلىمى بەلسەندٸ دامىتىلۋى تيٸس. وبلىستا كوروناۆيرۋستىڭ تارالۋىنا جول بەرمەۋ مەسەلەسٸ تۇراقتى باقىلاۋدا بولسىن. بارلىق شەكتەۋ شارالارى قاتاڭ ورىندالۋى كەرەك, - دەپ سٶزٸن قورىتىندىلادى ا.باتالوۆ.
