24 شٸلدە كٷنٸ الماتى وبلىسىنىڭ تالعار قالاسىندا كٶشەدە كٶكپار تارتقاندار ۇستالدى, دەپ حابارلايدى قازاقپارات.
«50 جاستاعى كەڭدالا اۋىلىنىڭ تۇرعىنى ٶزٸنٸڭ تۋعان كٷنٸنە وراي كٶكپار ۇيىمداستىرعان. بٸراق شارا ەكٸمدٸكپەن كەلٸسٸلمەگەن. كٶكپار ويىنى قىستاقتان باستالىپ, قالانىڭ كٶشەسٸندە جالعاسىپ كەتكەن. كٶلٸكتەردٸڭ قوزعالىسىنا كەدەرگٸ كەلتٸرٸپ, قوعامدىق تەرتٸپتٸ بۇزعانداردىڭ بارلىعى انىقتالدى. 10 ادام ۇستالىپ, قر ەكٸمشٸلٸك كودەكستٸڭ 434, 593 جەنە 614-باپتارى بويىنشا جاۋاپكەرشٸلٸككە تارتىلدى», - دەلٸنگەن الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاماسىندا.
كەيٸن كٶكپارعا قاتىسقاندار حالىقتان كەشٸرٸم سۇرادى.
«24 شٸلدە كٷنٸ كٶكپار بولۋىنا بايلانىستى سوندا باردىم. كٶكپار بارىسىندا تالعاردىڭ كٶشەسٸنە شىعىپ كەتٸپ, اۆتوكٶلٸكتەردٸڭ قوزعالىسىنا كەدەرگٸ كەلتٸرگەنٸمٸز ٷشٸن تالعار تۇرعىندارىنان كەشٸرٸم سۇرايمىن», - دەدٸ كٶكپارعا قاتىسقان تۇرار رىسقۇلوۆ اۋىلىنىڭ تۇرعىنى, 24 جاستاعى دەۋرەن جانمىرزاەۆ.
ۇلتتىق ويىننىڭ ٶزگە دە قاتىسۋشىلارى تۇرعىنداردان كەشٸرٸم سۇراپ, ەندٸ ونداي ەرەكەتكە بارمايتىندارىن ايتتى.
