الماتى وبلىسى قاراساي اۋدانىندا قايىناعاسى كەلٸنٸن اياۋسىز ساباعان. 6 بالانىڭ اناسى وسى وقيعادان سوڭ مٷگەدەك بولىپ قالعان, دەپ حابارلادى "استانا" ارناسى.
جاعا ۇستاتارلىق جاعداي جارمۇحانبەت اۋىلىندا بولعان. جەبٸرلەنۋشٸ تاراپتىڭ ايتۋىنشا, قايىناعاسى ۇلىمەن بٸرگە كەلٸنشەكتٸ تەپكٸنٸڭ استىنا العان. ەڭ سوراقىسى, وسى سەتتە ٷيدە باسقا دا ادامدار بولعان. بٸراق ەشقايسىسى كٶمەك قولىن سوزباعان كٶرٸنەدٸ. اۋىر جاراقات العان كەلٸنشەككە مەديتسينالىق كٶمەك تە جاسالماعان. قارىنداسىنان حابار الا الماعان اعاسى بىلىقتىڭ بەتٸن اشقان.
"كەشكٸسٸن ٷيٸنە باردىق. سٶيتسەك, قارىنداسىمدى اۋىر سوققىنىڭ, تەپكٸنٸڭ استىنا العان ەكەن. زورلىق-زومبىلىقتىڭ كەسٸرٸنەن ەكٸ كٷن ٷيدە جاتىپ قالعان. جەدەل جەردەم شاقىرىلماعان. ٸش قۇرىلىسىنا زاقىم كەلگەن. قايىن اعاسى مەن ۇلى جاۋاپقا تارتىلسىن", - دەيدٸ جەبٸرلەنۋشٸنٸڭ اعاسى ميرلان سىرعاباەۆ.
اۋىر سوققىعا جىعىلعان ەيەلگە وتا جاسالىپ, كٶك باۋىرى الىنىپ تاستالدى. مٷگەدەك بولىپ قالعان. ادۆوكاتى كەلٸنشەكتٸڭ قايىناعاسى بوستاندىقتا جٷرگەنٸن تٷسەنە الار ەمەس. سوت سانكتسيياسىمەن 1999 جىلعى ۇلى قاماۋعا الىنعان.
"بٸراق ونىڭ ەكەسٸن تەلتاەۆ الماستى قاماۋعا المايدى. نەگٸزٸندە بۇل جەردە 120-شى باپتىڭ بٸرٸنشٸ بٶلٸگٸمەن تٸركەۋ كەرەك ەدٸ. ەكٸنشٸدەن, ۇرعانى بار, سوققانى بار. ٷشٸنشٸدەن, كۋەگەرلەردٸڭ بەرٸ اۋىر قىلمىستى كٶرٸپ تۇرىپ, ەشقايدا حابارلاماعان. قايىناعاسى كەلٸنٸن زورلاماق بولعان. قارسىلىققا تاپ بولعان سوڭ ۇرعان", - دەيدٸ قورعاۋشى ايمان وماروۆا.
بۇل وقيعا اۋىل حالقىنىڭ جاعاسىن ۇستاتتى. ولار مۇنداي جاعداي ەلدٸ مەكەندە بٸرٸنشٸ رەت بولىپ وتىرعانىن ايتادى. قازٸرگٸ تاڭدا كٶپبالالى انا ٶز تۋىستارىنىڭ ٷيٸندە. "ونىڭ مەكتەپكە باراتىن 4 بالاسى ەكەسٸنٸڭ قولىندا, بٸراق جاقىن ارادا اناسىنا تاپسىرىلادى", - دەيدٸ جەرگٸلٸكتٸ بيلٸك.
"جارمۇحانبەت اۋىلىنداعى جاعداي باقىلاۋعا الىنىپ, مەكتەپ ديرەكتورى بارىپ, قاراپ تۇرادى. وسى ايدىڭ اياعىنا دەيٸن بالالار اناسىنىڭ قولىنا بارادى. ول كٸسٸ ەلەۋمەتتٸك كٶمەككە تاپسىرعان ەكەن, كٷيەۋٸ جۇمىس ٸستەمەگەندٸكتەن, وعان وتكاز كەلدٸ", - دەيدٸ ەلتاي اۋىلدىق وكرۋگٸ ەكٸمٸنٸڭ ورىنباسارى بٸرجان بەلعوجاەۆ.
پوليتسييا بۇل ٸسكە قاتىستى ماردىمدى جاۋاپ بەرمەدٸ. "تەرگەۋ جٷرٸپ جاتىر" دەپ قىسقا قايىردى.
"اتالعان فاكت قر قك 106-بابىنىڭ 1-بٶلٸمٸندە كٶزدەلگەن قىلمىستىق قۇقىقبۇزۋشىلىق بەلگٸلەرٸ بويىنشا قاراساي اۋدانىننىڭ پوليتسييا باسقارماسىندا تٸركەلدٸ. قازٸرگٸ ۋاقىتتا قىلمىستىق ٸس بويىنشا قاجەتتٸ تەرگەۋ ەرەكەتتەرٸ جٷرگٸزٸلۋدە", - دەيدٸ قاراساي اۋداندىق پوليتسييا باسقارماسى باسشىسىنىڭ ورىنباسارى ايدار ەبدٸراحمانۇلى.
جەبٸر كٶرگەن كٶپبالالى انا مەن ونىڭ جاقىندارى ەدٸل شەشٸم بولسا دەيدٸ.
