فوتو: © Sputnik
الماتى وبلىسى قاراساي اۋدانى كٶلدٸ اۋىلىندا يتتەردٸ سوياتىن ورىن تابىلدى. ونى تاپقان ۆولونتەرلەردٸڭ ايتۋىنشا, يت ەتٸ ساۋداعا شىعارىلۋى مٷمكٸن, دەپ حابارلايدى Sputnik قازاقستان.
اناستاسييا مالىگينا ەسٸمدٸ تۇرعىن ٶزٸنٸڭ اسىل تۇقىمدى يتٸن يت اۋلاۋشىلار الىپ كەتكەنٸن ەستٸپ, ٸزدەۋ سالادى. كٶمەككە ۆولونتەرلەردٸ شاقىرادى.
"مەن يت اۋلاۋشىلارعا حابارلاستىم. ولار قانداي يت دەپ سۇرادى. مەن فوتوسىن جٸبەردٸم. ولار ماعان "بۇل يت ەمەس, قوي عوي" دەپ مازاق قىلعانداي جاۋاپ بەردٸ. سول كٷيٸ يتٸمدٸ تاپپادىم", - دەيدٸ مالىگينا.
يت اۋلاۋشىلار مەكەمەسٸنە بارعان ۆولونتەرلەردٸ جۇمىسشىلار بٸر ساعات كٷشپەن ۇستاعان. تٸپتٸ قوقان-لوقى كٶرسەتٸپ, قول جۇمساعان.
فوتو: © Sputnik
"بٸزدٸ بىلاپىت سٶزدەرمەن بالاعاتتاپ, كٶلٸگٸمٸزدٸڭ ەسٸگٸن ۇرعىلادى. جولىمىزدى جاۋىپ جٷرگٸزبەي تاستادى", - دەيدٸ مينا يسمايلوۆا.
ودان كەيٸن ۆولونتەرلەر وقشاۋ تۇرعان جەردٸ تاۋىپ العان. ول يت سوياتىن ورىن بولىپ شىقتى. ولار كەلگەن بويدا 17 يتتٸ بوساتقان.
فوتو: © Sputnik
"يتتەردٸڭ باس سٷيەگٸ جاتتى. كەيبٸر باس سٷيەك جاڭا سويىلعان يتتٸكٸ. مۇندا مٸنە, پىشاق, يتتٸ ۇراتىن تەمٸر تاياق, قۇرال-جابدىقتىڭ بەرٸ بار. مٸنە قاراڭىزدار - جاڭا اققان قاننىڭ ٸزدەرٸ", - دەيدٸ يسمايلوۆا.
يت سوياتىن ورىندا گاز باللونى مەن تارازى دا تۇر.
فوتو: © Sputnik
"ەتتٸ ٷنەمٸ بٸر ماشينا ەكەتٸپ جٷرگەن. يت اۋلاۋشىلار وسىندا ەكەپ سويىپ, بٶلشەكتەيدٸ. ول ەتتٸ باسقا بٸرەۋ ەكەتەدٸ. كەرٸس ۇلتىنىڭ ٶكٸلٸ بەلگٸسٸز ازامات ەكەتٸپ وتىرادى. پاكەتتەر ٶتە كٶپ بولدى مۇندا. سول پاكەتتەرگە سالىپ تاسيدى. انا جەردە ەتتەردٸ ٶلشەيتٸن تارازى دا تۇر", - دەيدٸ ۆولونتەرلەر.
ال "سەنٸم-مەيٸرٸم" قوعامدىق قورىنىڭ ٶكٸلٸ زينايدا سەۆەنكوۆا ايتۋىنشا, بۇل - ۇيىمداسقان قىلمىس. يتتەردٸ جاۋىزدىقپەن اۋلاپ ٶلتٸرگەن. ال بۇعان مەملەكەتتەن بٶلٸنگەن قاراجات كٸمنٸڭ قالتاسىنا كەتٸپ جاتقانى بەلگٸسٸز.
"جاقىندا عانا تالعار جانىنداعى باكتان 100-دەن استام يتتٸڭ قالدىعى سالىنعان قاپتار تابىلدى. مۇنداي جاعداي ەڭبەكشٸقازاقتا دا بولدى. 2020, 2021 جىلى دا وسى پروبلەمانى ايتىپ دابىل قاقتىم. ەتتٸ قايدا جٸبەرٸپ جاتقانىن قۇقىق قورعاۋ ورگاندارى انىقتاۋى كەرەك. وبلىس باسشىلىعى بٸلەدٸ, بٸراق قۇقىق قورعاۋ ورگاندارىنا يتەرە سالادى. جاۋىزدىقپەن ەرەكەت ەتەتٸن يت اتۋشىلاردى جۇمىسقا الىپ وتىر, ەكٸنشٸدەن بۇل بيزنەسكە اينالعان. بۇل جەردە بٸر ەمەس, بٸرنەشە ادامنىڭ قاتىسى بار. مەن بۇنى رەسمي تٷردە جارييا ەتٸپ ايتامىن", - دەيدٸ ول.
پوليتسييا بۇل ٸس بويىنشا تەرگەۋ باستالعانىن حابارلادى. ال كٶلدٸ اۋىلىنىڭ ەكٸمٸ سەرٸك قاليجانۇلى اۋىل ماڭىنداعى يت سوياتىن ورىندى بٸرٸنشٸ رەت كٶرگەنٸن ايتىپ وتىر. جاعدايدى ەگجەي-تەگجەي تەكسەرگەن سوڭ قوسىمشا مەلٸمەت بەرەدٸ.
