ەلٸمٸزدە مەملەكەت باسشىسىنىڭ تاپسىرمالارىنا سەيكەس, وتاندىق دەرٸلٸك زاتتار ٶندٸرٸسٸنٸڭ ٷلەسٸن ارتتىرۋعا باعىتتالعان جوبالاردى جٷزەگە اسىرۋ جالعاسىپ جاتىر, دەپ حابارلايدى ult.kz.
اتالعان جۇمىس اياسىندا قازاقستان رەسپۋبليكاسىنىڭ ٷكٸمەتٸ دەنساۋلىق ساقتاۋ مينيسترلٸگٸ مەن «Steppe pharmaceuticals» جشس اراسىندا جاسالعان الماتى وبلىسىنداعى «الاتاۋ» اەا اۋماعىندا تولىق تسيكلدٸ بيوفارماتسەۆتيكالىق كەشەن سالۋ جٶنٸندەگٸ ينۆەستيتسييالار تۋرالى كەلٸسٸمدٸ ماقۇلدادى. پرەمەر-مينيستر ولجاس بەكتەنوۆ تيٸستٸ قاۋلىعا قول قويدى.
جەكە ينۆەستيتسييالاردىڭ جالپى كٶلەمٸ 32,5 ملرد تەڭگەنٸ قۇرايدى. جاڭا ٶندٸرٸس جوعارى تەحنولوگييالىق ٶندٸرٸستٸك قۋاتتاردى لوكاليزاتسييالاۋعا جەنە دامىتۋعا باعىتتالعان. فارماتسەۆتيكالىق زاۋىت دەرٸلٸك پرەپاراتتىڭ 20 تٷرٸن شىعارۋدى جوسپارلاپ وتىر. ولاردىڭ قاتارىندا ونكولوگييالىق جەنە سيرەك كەزدەسەتٸن اۋرۋلاردى ەمدەۋگە ارنالعان دەرٸلەر, سونداي-اق زاماناۋي يممۋنوبيولوگييالىق پرەپاراتتار بار. كەسٸپورىندى ٸسكە قوسۋ 2031 جىلعا, جوبالىق قۋاتقا شىعۋ 2032 جىلعا, ال نەگٸزگٸ باعىتتار بويىنشا تولىق تسيكلگە كٶشۋ 2034 جىلعا جوسپارلانعان.
دەرٸ-دەرمەك ٶندٸرۋ مەن سەرتيفيكاتتاۋدان بٶلەك, عىلىمي-زەرتتەۋ جەنە تەجٸريبەلٸك-كونسترۋكتورلىق جۇمىستار دا قاراستىرىلعان. ٶزٸنٸڭ R&D باعىتىن دامىتۋ, ونىڭ ٸشٸندە بيوەكۆيۆالەنتتٸلٸك زەرتتەۋلەرٸن جٷرگٸزۋ, تٸركەۋ قۇجاتتارىن دايىنداۋ جەنە حالىقارالىق GMP ستاندارتتارىن ەنگٸزۋ جوسپارلانعان. بۇدان بٶلەك, كەشەن بازاسىندا قازاقستاندىق مامانداردى وقىتۋ جەنە بٸلٸكتٸلٸگٸن ارتتىرۋ جٷيەسٸ قۇرىلادى.
جوبانى جٷزەگە اسىرۋ ەلدٸڭ دەرٸلٸك قاۋٸپسٸزدٸگٸن نىعايتۋعا جەنە الماتى وبلىسى اۋماعىندا زاماناۋي فارماتسەۆتيكالىق ٶندٸرٸس ينفراقۇرىلىمىن قالىپتاستىرۋعا مٷمكٸندٸك بەرەدٸ. شامامەن 60 جاڭا جۇمىس ورنى اشىلادى.
جالپى قازٸرگٸ تاڭدا ەلدە فارماتسەۆتيكالىق ٶندٸرٸس سالاسىندا 8 ٸرٸ ينۆەستيتسييالىق جوبا جٷزەگە اسىرىلىپ جاتىر. فارماتسەۆتيكا سالاسى وڭ ديناميكا كٶرسەتٸپ وتىر. ٶتكەن جىلدىڭ قورىتىندىسى بويىنشا وتاندىق فارماتسەۆتيكالىق ٶنٸم ٶندٸرٸسٸنٸڭ كٶلەمٸ 191,1 ملرد تەڭگەگە جەتٸپ, 2024 جىلمەن سالىستىرعاندا 8,7%-عا ٶسكەن. سالاعا تارتىلعان جالپى ينۆەستيتسييا كٶلەمٸ 390 ملرد تەڭگەدەن استى.
الماتى وبلىسىندا سالىناتىن بۇل كەشەن يمپورتقا تەۋەلدٸلٸكتٸ ازايتىپ, قازاقستاندىقتاردى ساپالى ەرٸ ٶمٸرلٸك ماڭىزدى دەرٸ-دەرمەكپەن قامتاماسىز ەتۋگە مٷمكٸندٸك بەرەتٸن ماڭىزدى جوبالاردىڭ بٸرٸ بولماق.
