فوتو: Tengrinews.kz
الماتىدا 10 جىل بۇرىن جاسالعان قىلمىسقا قاتىستى ايىپتاۋ ٷكٸمٸ شىقتى, دەپ حابارلايدى قازاقپارات.
قالالىق پروكۋراتۋرا تاراتقان مەلٸمەتكە سەيكەس, قىلمىس 2012 جىلى الماتى وبلىسىنىڭ قاراساي اۋدانىندا بولعان. تٶبەلەس كەزٸندە ەر ادام قارسىلاسىنا بٸرنەشە رەت پىشاق سالعان.
دەرەك بويىنشا پوليتسەيلەر سوتالدى تەرگەۋ امالدارىن باستاعان. الايدا كەيٸن قىلمىستىق ٸس توقتاتىلعان.
«پوليتسييا كٷدٸكتٸ بولا تۇرا, جاۋاپقا تارتاتىن تۇلعانىڭ انىقتالماۋىنا بايلانىستى قىلمىستىق ٸستٸ نەگٸزسٸز توقتاتتى. وسىلايشا قىلمىسكەر جاۋاپكەرشٸلٸكتەن بوساعان. تەك ناۋرىزباي اۋدانى پروكۋراتۋراسىنىڭ ارالاسۋىنان كەيٸن عانا قىلمىستىق ٸس قايتا قوزعالدى. وسىلايشا, الماتىدا 2012 جىلى باستالعان قىلمىستىق ٸسكە قاتىستى زاڭدى قورىتىندى شىقتى», - دەپ حابارلادى قاداعالاۋ ورگانىنان.
پروكۋراتۋرانىڭ تالابىمەن, بٸرقاتار تەرگەۋ ەرەكەتتەرٸ جٷرگٸزٸلٸپ, كٷدٸكتٸگە كٸسٸ ٶلتٸرۋگە وقتالدى دەگەن ايىپ تاعىلىپ, ول قاماۋعا الىندى. كەيٸننەن قىلمىستىق ٸستٸ پروكۋراتۋرا سوتقا جولدادى.
«الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى سوتتالۋشى ت.ب. قاتىستى ايىپتاۋ ٷكٸمٸن شىعارىپ, ول 6 جىلعا باس بوستاندىعىنان ايىرۋ تٷرٸندەگٸ جازا تاعايىنداۋمەن ادام ٶلتٸرۋگە وقتالعانى ٷشٸن كٸنەلٸ دەپ تانىلدى», - دەپ اتاپ ٶتتٸ پروكۋراتۋرا ٶكٸلدەرٸ.
سونداي-اق, پروكۋرورلار قىلمىسكەردٸ جاۋاپكەرشٸلٸكتەن بوساتۋعا جول بەرگەن پوليتسييا قىزمەتكەرلەرٸنٸڭ ەرەكەتٸنە قۇقىقتىق باعا بەرۋ ٷشٸن ماتەريالداردى پوليتسييا دەپارتامەنتٸنٸڭ ٸشكٸ قاۋٸپسٸزدٸك بٶلٸمٸنە جولدادى.
