الماتى مەن استانا Oxford Economics ۇيىمى ەزٸرلەگەن Global Cities Index 2026 رەيتينگٸندە ەلەمنٸڭ ٷزدٸك 300 قالاسىنىڭ قاتارىنا كٸردٸ. تٸزٸمگە بارلىعى 1000 قالا ەنگٸزٸلگەن, دەپ حابارلايدى ult.kz.
رەيتينگ قورىتىندىسى بويىنشا الماتى 265-ورىنعا, ال استانا 281-ورىنعا تۇراقتادى. وسىلايشا, قازاقستاننىڭ ەكٸ ٸرٸ قالاسى جالپى تٸزٸمنٸڭ العاشقى ٷشتەن بٸر بٶلٸگٸنە ەندٸ.
ورتالىق ازييا قالالارى اراسىندا الماتى مەن استانا جوعارى كٶرسەتكٸش كٶرسەتتٸ. سالىستىرۋ ٷشٸن, تبيليسي 287-ورىنعا, كيەۆ 304-ورىنعا, مەسكەۋ 313-ورىنعا, باكۋ 323-ورىنعا, سانكت-پەتەربۋرگ 454-ورىنعا, ال بٸشكەك 461-ورىنعا ورنالاستى.
قازاقستاندىق مەگاپوليستەر ەسٸرەسە ادامي كاپيتال كٶرسەتكٸشٸ بويىنشا جوعارى نەتيجە كٶرسەتتٸ. بۇل ساناتتا الماتى 66-ورىنعا, استانا 98-ورىنعا يە بولدى.
ادامي كاپيتالدى باعالاۋ كەزٸندە كادرلىق ەلەۋەت, بٸلٸم مەن داعدى دەڭگەيٸ, ەڭبەك نارىعى جەنە قالانىڭ بٸلٸكتٸ مامانداردى تارتۋ ەرٸ ۇستاپ قالۋ مٷمكٸندٸگٸ ەسكەرٸلەدٸ.
ەكونوميكالىق كٶرسەتكٸش بويىنشا استانا 264-ورىنعا, الماتى 288-ورىنعا جايعاستى.
Global Cities Index رەيتينگٸندە ەكونوميكا مەن ادامي كاپيتالدان بٶلەك, ٶمٸر سٷرۋ ساپاسى, قورشاعان ورتانىڭ جاعدايى جەنە باسقارۋ جٷيەسٸ دە باعالانادى. وسى بەس باعىت بويىنشا الىنعان نەتيجەلەر قالالاردىڭ جالپى ورنىن انىقتايدى.
2026 جىلعى رەيتينگتٸڭ العاشقى ٷشتٸگٸنە نيۋ-يورك, لوندون جەنە پاريج كٸردٸ. Oxford Economics مەلٸمەتٸنشە, العاشقى جٷزدٸكتەگٸ قالالاردىڭ باسىم بٶلٸگٸ ەۋروپا مەن سولتٷستٸك امەريكادا ورنالاسقان.
