الماتىدا 27 قىركٷيەكتە 15-رەت ٶتكەن Almaty Marathon قالا ەكونوميكاسىنا 15,6 ملرد تەڭگە كٶلەمٸندە ٷلەس قوستى. ونىڭ شامامەن 3 ملرد تەڭگەسٸ سالىق تٷسٸمدەرٸنە تيەسٸلٸ, دەپ حابارلايدى ult.kz.
Times.kz مەلٸمەتٸنشە, مارافونعا 66 ەلدەن 16 مىڭ ادام قاتىستى. ونىڭ 1534-ٸ شەتەلدەن, 2238-ٸ قازاقستاننىڭ ٶزگە ٶڭٸرلەرٸنەن كەلگەن. شەتەلدٸك قاتىسۋشىلاردىڭ ەڭ كٶبٸ رەسەيدەن – 550 ادام. سونداي-اق قىرعىزستاننان 171, ٶزبەكستاننان 151, قىتايدان 133, اقش پەن وڭتٷستٸك كورەيادان 51 ادامنان قاتىستى.
زەرتتەۋگە سەيكەس, سىرتتان كەلگەن قاتىسۋشىلار مەن ولاردى ەرتٸپ كەلگەندەر الماتى ەكونوميكاسىنا شامامەن 5,3 ملرد تەڭگە قالدىرعان. بۇل قارجىنىڭ 3,7 ملرد تەڭگەسٸ قوناقٷي, حوستەل جەنە جالدامالى باسپاناعا, 1,2 ملرد تەڭگەسٸ بٶلشەك ساۋداعا, 1 ملرد تەڭگەسٸ كٶلٸك پەن تاكسيگە, 900 ملن تەڭگەسٸ ويىن-ساۋىق پەن ەكسكۋرسيياعا, 800 ملن تەڭگەسٸ قوعامدىق تاماقتانۋعا جۇمسالعان.
بٸر شەتەلدٸك جٷگٸرۋشٸ مەن ونى ەرتٸپ كەلگەن ادامداردىڭ ورتاشا شىعىنى 1,82 ملن تەڭگەگە جەتكەن. زەرتتەۋ اۆتورلارىنىڭ مەلٸمەتٸنشە, شەتەلدٸك قاتىسۋشىلاردىڭ 64 پايىزى مارافوندى قازاقستانعا كەلۋٸنٸڭ نەگٸزگٸ سەبەبٸ دەپ اتاعان. ولاردىڭ 87 پايىزى الماتىعا قايتا كەلگٸسٸ كەلەتٸنٸن ايتقان.
بيىل جارىس باعىتى دا ٶزگەرتٸلٸپ, قاتىسۋشىلار 42,2 شاقىرىمدى بٸر اينالىممەن جٷگٸردٸ. مارافون اباي الاڭىنان باستالىپ, رەسپۋبليكا الاڭىندا اياقتالدى.
جارىسقا 2018 جىلعى بوستون مارافونىنىڭ جەڭٸمپازى, جاپونييالىق يۋكي كاۆاۋچي دە قاتىستى. بۇل ونىڭ ورتالىق ازيياداعى العاشقى مارافونى بولدى.
