قر دەنساۋلىق ساقتاۋ ۆيتسە-مينيسترٸ قامالجان نەدٸروۆ ۇشاق اپاتىنان زارداپ شەككەندەردٸڭ جاعدايى تۋرالى ايتتى, دەپ حابارلايدى "ۇلت اقپارات".
«ۇشاق اپاتىنان قايتىس بولعان ادامداردىڭ وتباسى مەن تۋىستارىنا قايعىرىپ كٶڭٸل ايتامىن. زارداپ شەككەندەرگە جەدەل مەديتسينالىق كٶمەك كٶرسەتۋ ٷشٸن الماتى قالاسى مەن الماتى وبلىسىنىڭ 86 بريگادا جۇمىلدىرىلدى. 103-كە العاشقى قوڭىراۋ تاڭعى 07:43-تە تٷستٸ. جەدەل جەردەم وقيعا ورنىنا 15 مينۋتتا جەتتٸ. بارلىعى 67 ادام جاراقات الدى, ونىڭ 49-ى اۋرۋحاناعا جاتقىزىلدى. اراسىندا 9 بالا بار. 5 ادام تەكسەرۋدەن كەيٸن امبۋلاتورييالىق ەمدەۋگە جٸبەرٸلدٸ. 12 ادام قايتىس بولدى. 8 ادام - وقيعا ورنىندا, تاعى ەكەۋٸ تاسىمالداۋ كەزٸندە جەنە 2 ەرەسەك ادام العان جاراقاتىنان كٶز جۇمدى», - دەدٸ قامالجان نەدٸروۆ.
ونىڭ ايتۋىنشا, قازٸر اۋرۋحانادا 47 ادام جاتىر. 8-نٸڭ جاعدايى ٶتە اۋىر, 38 - ورتاشا اۋىر, بٸرەۋٸنٸڭ حالٸ - ورتاشا.
10 ەرەسەك جەنە 2 كٸشكەنتاي بالاعا وتا جاسالدى. زارداپ شەككەندەر بٸرنەشە مەديتسينالىق مەكەمەگە جاتقىزىلدى.
6 ناۋقاس الماتى كٶپسالالى كلينيكالىق اۋرۋحاناسىنا جەتكٸزٸلدٸ, ونىڭ بٸرەۋٸ تەكسەرۋدەن كەيٸن امبۋلاتورلىق ەمدەۋگە جٸبەرٸلدٸ. 5 ناۋقاستىڭ جاعدايى اۋىر, تۇراقتى دەپ باعالانىپ وتىر.
بالالارعا ارنالعان جەدەل مەديتسينالىق كٶمەك كٶرسەتۋ ورتالىعىنا تٷرلٸ جاراقاتپەن 9 بالا تٷستٸ. قازٸرگٸ ۋاقىتتا جەتەۋٸنٸڭ جاعدايى - اۋىر, تۇراقتى, ەكەۋٸنٸكٸ - ورتاشا اۋىر. 2 بالاعا وتا سەتتٸ جاسالدى. ٶمٸرٸنە قاۋٸپ تٶنٸپ تۇرعان جوق.
جەدەل شۇعىل كٶمەك كٶرسەتۋ اۋرۋحاناسىنا 14 ادام جەتكٸزٸلدٸ. ونىڭ ەكەۋٸ دەرٸگەرلەردٸڭ تەكسەرۋٸنەن كەيٸن امبۋلاتورييالىق ەمدەۋگە جٸبەرٸلدٸ, 12 ناۋقاستىڭ جاعدايى ورتاشا دەپ باعالاندى.
