جەلٸدە الماتىداعى كافەلەردٸڭ بٸرٸندە ٶزٸنە قىزمەت كٶرسەتكەن داياشىنى ۇرىپ جٸبرگەن ەر ادامنىڭ ۆيدەوسى تاراپ جاتىر, - دەپ حابارلايدى "ۇلت اقپارات".
باقىلاۋ كامەراسىنان تٷسٸرٸلگەن كادرلاردان داياشى بايقاۋسىزدا سۋ قۇيىلعان ىدىستى تٷسٸرٸپ العانى كٶرٸنەدٸ. سۋ ٷستەلدە وتىرعان كەلۋشٸلەردٸڭ بٸرٸنە شاشىراپ كەتەدٸ. بۇعان جاۋاپ رەتٸندە ەر ادام داياشىنى بەتٸنەن ۇرادى.
الماتى قالاسىنىڭ پوليتسييا دەپارتامەنتٸ باستىعىنىڭ ورىنباسارى رۋستام ەبدٸراحمانوۆ بولعان وقيعا بويىنشا تٷسٸنٸكتەمە بەردٸ.
«ينتەرنەتتە ەر ادامنىڭ ٷستٸنە سۋسىن تٶگٸپ العانى ٷشٸن داياشىعا قول كٶتەرگەنٸ تاسپالانعان ۆيدەو بارلىعىن تاڭعالدىردى. بٸز بٸردەن تەكسەرۋگە كٸرٸستٸك, نەتيجەسٸندە داياشىعا قول كٶتەرگەن ەر ادامنىڭ كٸم ەكەنٸن انىقتادىق. بٷگٸن 1992 جىلى تۋعان ۋ. ەسٸمدٸ ازامات ۇستالدى. قازٸرگٸ كەزدە ول مەدەۋ اۋدانىنىڭ پوليتسييا باسقارماسىنا تەرگەۋ امالدارىنا قاتىسۋ ٷشٸن جەتكٸزٸلدٸ. كٸنەلٸ جاۋاپقا تارتىلادى», - دەپ جازدى ٶزٸنٸڭ Instagram جەلٸسٸندەگٸ پاراقشاسىندا رۋستام ەبدٸراحمانوۆ.
پوليتسييا دەپارتامەنتٸنٸڭ باسپاسٶز قىزمەتٸ اتالمىش فاكتٸنٸڭ سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە 1-بٶلٸم 293-باپ بويىنشا تٸركەلگەنٸن مەلٸمدەدٸ. سونىمەن قاتار سوت-مەديتسينالىق ساراپتاما تاعايىندالعان. ونىڭ قورىتىندىسى بويىنشا ٸس جٷرگٸزۋ شەشٸمٸ قابىلدانادى.
