Jelide Almatydaǵy kafelerdiń birinde ózine qyzmet kórsetken daiashyny uryp jibrgen er adamnyń videosy tarap jatyr, - dep habarlaidy "Ult aqparat".
Baqylaý kamerasynan túsirilgen kadrlardan daiashy baiqaýsyzda sý quiylǵan ydysty túsirip alǵany kórinedi. Sý ústelde otyrǵan kelýshilerdiń birine shashyrap ketedi. Buǵan jaýap retinde er adam daiashyny betinen urady.
Almaty qalasynyń Politsiia departamenti bastyǵynyń orynbasary Rýstam Ábdirahmanov bolǵan oqiǵa boiynsha túsinikteme berdi.
«Internette er adamnyń ústine sýsyn tógip alǵany úshin daiashyǵa qol kótergeni taspalanǵan video barlyǵyn tańǵaldyrdy. Biz birden tekserýge kiristik, nátijesinde daiashyǵa qol kótergen er adamnyń kim ekenin anyqtadyq. Búgin 1992 jyly týǵan Ý. esimdi azamat ustaldy. Qazirgi kezde ol Medeý aýdanynyń Politsiia basqarmasyna tergeý amaldaryna qatysý úshin jetkizildi. Kináli jaýapqa tartylady», - dep jazdy óziniń Instagram jelisindegi paraqshasynda Rýstam Ábdirahmanov.
Politsiia departamentiniń baspasóz qyzmeti atalmysh faktiniń Sotqa deiingi tergep-tekserýdiń biryńǵai tizilimine 1-bólim 293-bap boiynsha tirkelgenin málimdedi. Sonymen qatar sot-meditsinalyq saraptama taǵaiyndalǵan. Onyń qorytyndysy boiynsha is júrgizý sheshimi qabyldanady.
