2022 جىلعى قاڭتارداعى جاپپاي تەرتٸپسٸزدٸكتەر مەن بٷلٸك كەزٸندە بانكتەر مەن ميكروقارجى ۇيىمدارىنا كەلتٸرٸلگەن شىعىننىڭ الدىن الا سوماسى بەلگٸلٸ بولدى. بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸ ٶكٸلٸ ايتتى, - دەپ حابارلايدى Tengrinews.kz تٸلشٸسٸ.
ۆەدومستۆو مەلٸمەتٸنشە, 18 قاڭتارداعى جاعداي بويىنشا الدىن الا ەسەپ قورىتىندىلارى عانا بەلگٸلٸ. بۇل كەيبٸر بانكتەر مەن ۇيىمدار تونالعان نىساندارعا كٸرە المايتىنىنا بايلانىستى بولىپ وتىر. وندا پوليتسييا قىزمەتكەرلەرٸ تەرگەۋ جٷرگٸزٸپ جاتىر.
"بٷلٸكشٸلەر مەن توناۋشىلار بانكتەرگە كەلتٸرگەن شىعىننىڭ الدىن الا مٶلشەرٸ 4,1 ميلليارد تەڭگە بولادى. بۇل سوما زالالدىڭ تولىق قۇنىن كٶرسەتپەيدٸ, ٶيتكەنٸ كەيبٸر بانكتەر زالالدى الدىن الا باعالاۋعا ۇسىنا المايدى. سەبەبٸ ولار سول نىسانداردا جٷرگٸزٸلٸپ جاتقان تەرگەۋگە بايلانىستى كەڭسەلەرگە كٸرە المايدى", - دەدٸ اگەنتتٸك ٶكٸلٸ.
بٷلٸكشٸلەر مەن توناۋشىلار ەڭ كٶپ شىعىندى, ياعني جيىنتىق سومانىڭ 99 پايىزىن الماتى بانكتەرٸنە كەلتٸرگەن.
"كەلتٸرٸلگەن شىعىننىڭ كٶپ بٶلٸگٸ ۇرلانعان جەنە بٷلٸنگەن بانكوماتتارعا تيەسٸلٸ. ولاردىڭ قۇنى 1,6 ميلليارد تەڭگەگە باعالانادى. سونداي-اق, 871 ميلليون تەڭگە تۇراتىن تەحنيكا جويىلدى.
بۇدان باسقا, بانك كەڭسەلەرٸ قيرادى, وسى تارماق بويىنشا شىعىن قۇنى 757 ميلليون تەڭگە بولادى. بٷلٸنگەن بانكوماتتاردان 507 ميلليون تەڭگە ۇرلانعان", - دەپ تولىقتىردى اگەنتتٸك ٶكٸلٸ.
سونىمەن قاتار, ۆەدومستۆو ٶكٸلٸ ميكروقارجى ۇيىمدارىنا كەلتٸرٸلگەن زيياننىڭ الدىن الا مٶلشەرٸن ۇسىندى.
"ول شامامەن 653 ميلليون تەڭگە بولادى. ونىڭ 384 ميلليون تەڭگەسٸ مقۇ-نىڭ الماتىداعى فيليالدارىنا تيەسٸلٸ. سونداي-اق, الماتى وبلىسىندا 140 ميلليون تەڭگەگە جەنە قوستاناي وبلىسىندا 101 ميلليون تەڭگەگە ۇيىم مٷلٸكتەرٸ زارداپ شەكتٸ", - دەپ قورىتىندىلادى ول.
