الماتى ەۋەجايىنىڭ پرەزيدەنتٸ جاڭا تەرمينالعا ايتىلعان سىنعا جاۋاپ بەردٸ

1 ماۋسىم كٷنٸ ٸسكە قوسىلعان الماتى ەۋەجايىنىڭ جاڭا تەرمينالىندا باق ٶكٸلدەرٸنە باسپاسٶز تۋرى ۇيىمداستىرىلدى. ٸس-شارا بارىسىندا حالىقارالىق ەۋەجايدىڭ جاقىندا تاعايىندالعان پرەزيدەنتٸ گوكەر كوسە جاڭا تەرمينالعا ەلەۋمەتتٸك جەلٸدە ايتىلعان سىنعا جاۋاپ بەردٸ. بۇل تۋرالى "ۇلت اقپارات" "قازاقپارات" اگەنتتٸگٸنە سٸلتەمە جاساپ حابارلايدى.

ەۋەجاي باسشىسى جاڭا تەرمينالدىڭ ەينەگٸ شىتىناعانى بەينەلەنگەن ۆيدەوعا بايلانىستى پٸكٸر بٸلدٸردٸ.

«بۇل عيمارات سەيسميكالىق نورمالار مەن ستاندارتتارعا ساي سالىنعان. بٸراق جاڭا عيمارات كٸشكەنە وتىرادى. سول تۇراقتانۋ كەزٸندە كەيبٸر شىنى مەن ەينەكتەردە كٸشٸگٸرٸم جارىلعان جەرلەر بولادى. بٸز ونى الماستىرامىز. بۇل قالىپتى جاعداي», - دەدٸ ەۋەجاي پرەزيدەنتٸ.

سونداي-اق ول كەي جولاۋشىلاردىڭ جٷكتٸ ۇزاق كٷتۋٸنٸڭ سەبەبٸن تٷسٸندٸردٸ. گوكەر كوسەنٸڭ ايتۋىنشا, مۇنداي قيىندىقتار ەسكٸ تەرمينالدان جاڭاسىنا كٶشۋ كەزٸندە تۋىنداعان. الداعى ۋاقىتتا جٷكتەرٸ الۋ پروتسەسٸن 45-50 مينۋتتان اسىرماۋ جوسپارلانىپ وتىر.

«ينفراقۇرىلىم بويىنشا بٸز بارلىق جۇمىستارى اياقتادىق. بٸراق كەيبٸر كوممەرتسييالىق ايماقتار ەلٸ سالىنىپ جاتىر. ەسكٸ تەرمينالدان جاڭاسىنا كٶشۋ كەزٸندە قيىندىقتار تۋىندادى. جولاۋشىلار مەن ولاردىڭ جٷكتەرٸن قابىلداۋ تەحنولوگييالارى جەنە جاڭا جابدىقتار ورناتىلىپ جاتىر. كەيبٸرٸ تولىق ورناتىلعان جوق. سوندىقتان وسىنداي كەلەڭسٸز وقيعالار بولىپ جاتىر. بٸراق جاقىن ۋاقىتتا ونداي كەلەڭسٸزدٸكتەر تولىقتاي شەشٸلەدٸ دەپ ۋەدە بەرە الامىن. ۇشاق قونعان سەتتەن باستاپ, جٷك العان سەتكە دەيٸنگٸ ۋاقىتتى 45-50 مينۋتقا جەتكٸزەمٸز», - دەدٸ ول.

الماتى ەۋەجايىنىڭ پرەزيدەنتٸ جاڭا تەرمينال بٷگٸنگە دەيٸن 1,5 مىڭ رەيستٸ قابىلداعانىن جەنە كٷندەلٸكتٸ 16 مىڭ جولاۋشىعا قىزمەت كٶرسەتٸپ جاتقانىن اتاپ ٶتتٸ. سونداي-اق گوكەر كوسە الماتىلىقتاردى ۋاقىتشا قولايسىزدارعا تٷسٸنٸستٸكپەن قاراۋعا شاقىرىپ, ورىندى سىندى قابىلداۋعا دايىن ەكەنٸن ايتتى. ونىڭ سٶزٸنشە, جاڭا تەرمينالعا كٶشۋ جۇمىستارىن جٷرٸپ كەلە جاتقان كٶلٸكتٸڭ دٶڭگەلەگٸن اۋىستىرۋمەن سالىستىرۋعا بولادى.

«يە, سىننان حابارىم بار. ٶتكەنگە قارايتىن بولساق, ەسكٸ تەرمينالدىڭ سىيىمدىلىعى 2,5 ميلليون بولدى. الايدا بٸز 10 ميلليونعا دەيٸن جولاۋشىعا قىزمەت كٶرسەتتٸك. ەكٸنشٸسٸ, بٸز جاڭا تەرمينالعا تەز ارادا كٶشۋگە مەجبٷر بولدىق. ەگەر بٸز بۇل تەرمينالعا كٶشپەگەندە كٶپتەگەن رەيستەردەن باس تارتۋعا تۋرا كەلەتٸن ەدٸ. كٶشۋ كەزٸندە ەرينە, كەلەڭسٸز جاعدايلار بولىپ تۇرادى. بٸز ورىندى سىنعا دايىنبىز جەنە ول بويىنشا جۇمىس ٸستەيمٸز. ەلەمدٸك تەجٸريبەدەن جۇمىس ٸستەپ جاتقان تەرمينالدان جاڭا تەرمينالعا كٶشۋ جەنە ەكەۋٸن بٸر ۋاقىتتا باسقارۋ ٶتە قيىن ەكەنٸن بٸلەمٸز. ەۋروپادا بۇل 4 جىلعا دەيٸن سوزىلاتىن ەدٸ. بٸز مۇنى 2 جىلدا جاساي الدىق. بۇل جىلدامدىقپەن كەلە جاتقان كٶلٸكتٸڭ دٶڭگەلەگٸن اۋىستىرۋ سەكٸلدٸ», - دەپ اتاپ ٶتتٸ گوكەر كوسە.

ايتا كەتەيٸك, بۇعان دەيٸن پرەزيدەنت الماتى ەۋەجايىنىڭ جاڭا حالىقارالىق تەرمينالىن ارالاعانىن جازعان ەدٸك.