الماتى قالاسىنىڭ ورتالىق كلينيكالىق اۋرۋحاناسىنىڭ باس دەرٸگەرٸ الماز دجۋۆاشەۆ ٶز ەركٸمەن قىزمەتٸنەن كەتتٸ. بۇل اقپاراتتى قالالىق قوعامدىق دەنساۋلىق ساقتاۋ باسقارماسىنا سٸلتەمە جاساعان Informburo.kz سايتى حابارلادى.
الماتى قالاسىنىڭ باس سانيتار دەرٸگەرٸ ايزات مولداعاسىموۆانىڭ حابارلاۋىنشا, مەديتسينالىق مەكەمەدە 182 قىزمەتكەردەن كوروناۆيرۋس تابىلعان.
"باسشىسى قىزمەتتەن كەتتٸ, ونىڭ قاراماعىنداعى شامامەن 200 ادام اۋىرىپ جاتىر. ول ۇيىمداستىرۋ ٸسٸندە كەتكەن قاتەلٸكتەرٸن بٸلگەننەن كەيٸن ٶز ەركٸمەن قىزمەتٸنەن كەتۋ تۋرالى ٶتٸنٸش جازدى" دەدٸ قالالىق قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ.
سايتتىڭ جازۋىنشا, كارانتينگە جاتقىزىلعان ورتالىق اۋرۋحانا دەرٸگەرلەرٸ ۆيدەو تٷسٸرٸپ, الماز دجۋۆاشەۆتٸ قايتارۋدى تالاپ ەتكەن. ەزٸرگە دجۋۆاشەۆ تٷسٸنٸكتەمە بەرگەن جوق.
دەنساۋلىق ساقتاۋ مينيسترٸ ەلجان بٸرتانوۆ 15 سەۋٸرگە قاراعان تٷنٸ Facebook جەلٸسٸندە الماتى ورتالىق كلينيكالىق اۋرۋحاناسىنداعى جاعدايعا بايلانىستى پٸكٸرٸن ايتتى. ول مينيسترلٸك ٶكٸلدەرٸنٸڭ كارانتينگە جاتقىزىلعان اۋرۋحانا قىزمەتكەرلەرٸمەن كەزدەسۋ ٶتكٸزەتٸنٸن ايتىپ, "بارلىق مەسەلە ەموتسيياسىز زاڭ بويىنشا شەشٸلەدٸ" دەدٸ.
الماز دجۋۆاشەۆ 2019 جىلى مامىر ايىندا ورتالىق كلينيكالىق اۋرۋحاناسىنىڭ ديرەكتورى بولىپ تاعايىندالعان. قازٸر اۋرۋحانا باسشىسىنىڭ ۋاقىتشا مٸندەتٸن مەديتسينالىق مەكەمەنٸ 2012-2017 جىلدارى باسقارعان مارات ابدۋللاەۆ اتقارادى.
