الما يمپورتىن الماستىرۋ ٷشٸن 12,5 مىڭ گەكتار الاڭدا باق ٶسٸرٸلەدٸ. بۇل تۋرالى اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«الما ٶندٸرۋ كٶلەمٸ سوڭعى 3 جىل ٸشٸندە 15 پايىزعا (188 مىڭ توننادان 216,5 مىڭ تونناعا) ۇلعايدى. وتانىمىزدا ٶندٸرٸلگەن المامەن قامتاماسىز ەتٸلۋ كٶلەمٸ 63 پايىزدى قۇرادى. الما يمپورتىن الماستىرۋ ٷشٸن 2024 جىلعا قاراي قوسىمشا 12,5 مىڭ گەكتار الاڭدا باق ٶسٸرٸلەتٸن بولادى, ولار 105 مىڭ توننا الما ٶندٸرۋگە مٷمكٸندٸك بەرەدٸ», - دەدٸ مينيسترٸ پارلامەنت مەجٸلٸسٸندەگٸ ٷكٸمەت ساعاتىندا.
بۇدان بٶلەك س. وماروۆ قانت ٶنەركەسٸبٸن دامىتۋ ٷشٸن قولداۋدىڭ جٷيەلٸ شارالارى قابىلدانىپ جاتقانىن اتاپ ٶتتٸ.
«قانت قىزىلشاسىن ٶندٸرۋ 345 مىڭ توننادان 486 مىڭ تونناعا دەيٸن ۇلعايدى, تٷسٸمدٸلٸك گەكتارىنا 285 تسەنتنەردەن 325 تسەنتنەرگە دەيٸن ٶستٸ. ەلٸمٸزدە ٶندٸرٸلگەن قانتپەن قامتاماسىز ەتٸلۋ كٶلەمٸ 7 پايىزدان 14 پايىزعا دەيٸن ٶستٸ. شيكٸزات بازاسىن دامىتۋ جوسپارلانۋدا, بۇل رەتتە قانت قىزىلشاسىنىڭ ەگٸس الاڭدارىن كەڭەيتۋدٸ قوسىمشا سۋارمالى جەرلەردٸ قالپىنا كەلتٸرۋ جەنە سولتٷستٸك ٶڭٸرلەردە قانت سالاسىن دامىتۋ ەسەبٸنەن جٷزەگە اسىرۋ كٶزدەلۋدە. جۇمىس ٸستەپ تۇرعان زاۋىتتار جاڭعىرتىلىپ, جامبىل مەن پاۆلودار وبلىستارىندا جالپى قۋاتى جىلىنا 216 مىڭ توننا قانت ٶندٸرەتٸن 2 جاڭا قانت زاۋىتى پايدالانۋعا بەرٸلەتٸن بولادى», - دەدٸ مينيستر.
بۇدان بۇرىن حابارلانعانداي, مەجٸلٸستەگٸ ٷكٸمەت ساعاتىندا اۋىل شارۋاشىلىعى مينيسترٸ ساپارحان وماروۆ قاي ٶنٸمدەر يمپورتتالاتىنىن ايتتى.
سونىمەن قاتار ۆەدومستۆو باسشىسى ەلٸمٸزدە شامامەن 5,8 ملن توننا سٷت ٶندٸرٸلگەنٸمەن, سٷت زاۋىتتارىنىڭ جٷكتەلۋٸ قازٸر شامامەن 65 پايىزدى قۇراپ تۇرعانىن جەتكٸزدٸ.
